Խոշոր հրդեհ՝ «Հայֆիլմ» կինոստուդիայի հարակից տարածքում. Shamshyan

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Այսօր՝ հունիսի 26-ին, արտակարգ դեպք է տեղի ունեցել Երևանում: Ժամը 00:40-ի սահմաններում ՀՀ ներքին գործերի նախարարության փրկարար ծառայության 9-11 ճգնաժամային կառավարման ազգային կենտրոն ահազանգ է ստացվել, որ Երևան-Աշտարակ ավտոճանապարհի Աշտարակի խճուղում՝ «Հայֆիլմ» կինոստուդիայի հարևանությամբ, խոտածածկ տարածքում հրդեհ է բռնկվել և կա վտանգ, որ այն կտարածվի դեպի հարևան շինություններ: 

Ինչպես դեպքի վայրից հայտնում է ֆոտոլրագրող Գագիկ Շամշյանը, ժամանել են Երևանի թիվ 7-րդ հրշեջ-փրկարարական ջոկատից 1 մարտական հաշվարկ: 

Մինչ հրշեջների ժամանումը՝ կրակի տարածման դեմ պայքարել են քաղաքացիները,ապա ժամանած հրշեջները մարել են մոտ 1500 քմ չոր, խոտածածկ տարածքում առաջացած կրակը: 
 
Դեպքի վայր են ժամանել նաև ՀՀ ՆԳՆ ոստիկանության պարեկային ծառայության Երևան քաղաքի գնդի 4-րդ գումարտակի 3-րդ վաշտի պարեկներ Լյուդվիգ Սահակյանն ու Արման Բաբայանը, ովքեր նույնպես քաղաքացիների ու հրշեջների հետ պայքարել են կրակի տարածման դեմ: 
 
Ըստ նախնական տեղեկությունների՝ բարեբախտաբար տուժածեր չկան, իսկ եթե սրտացավ քաղաքացիները, հրշեջներն ու պարեկները օպերատիվ չգործեին, կրակը էլ ավելի էր տարածվելու ու կրակի ճիրաններում կհայտնվեին նաև բազմաթիվ շենք-շինություններ:

Հետևեք մեզ՝ այստեղ