Քիմ Քարդաշյանը Էսսե է գրել սեքսուալ լինելու իրավունքի մասին

Քիմ Քարդաշյանը սովոր է հարձակումներին: Նրան մշտապես ինչ-որ բանի համար քննադատում են: Ռեալիտի-շոուի աստղը երկար ժամանակ փորձում էր ուղղակի ուշադրություն չդարձնել և հազվադեպ էր պատասխանում քննադատներին, սակայն Քանյե Վեսթի կնոջ համբերության բաժակը լցվել է:

Բաց լուսանկարի հրապարակումից հետո և դրան հետևած քննադատությունը և ծաղրանքը Քիմին ստիպել է էսսե գրել, որում նա իր կարծիքն է ներկայացրել ստեղծված իրավիճակի մասին:

Քիմի էսսեն հայտնվել է նրա պաշտոնական էջին մարտի 8-ին: Դրանում Քիմը ասում է, որ իրեն հասկանալի չէ, թե ինչու է նրա պահվածքը համարվում անարժան: Նա նաև հիշել է տարիներ առաջ եղած դեպքը, երբ համացանցում հայտնվել էր նրա մասնակցությամբ տեսագրություն:

«Ես թմրանյութ չեմ օգտագործում, գրեթե չեմ խմում, ես հանցագործություն չեմ կատարել, և այս ամենի հետ մեկտեղ՝ ինձ վատ օրինակ են համարում միայն նրա համար, որ սիրում եմ իմ մարմինը և հպարտանում դրանով: Բոլորը հիշում են այն էրոտիկ տեսանյութը իմ մասնակցությամբ: Այն արվել էր 13 տարի առաջ, սակայն մարդիկ դեռ չեն ձանձրացել խոսել դրա մասին: Ես անցել եմ բոլոր նվաստացումների միջով, սակայն վերապրեցի դա: Եվ ես պարտավոր չեմ անընդհատ արդարանալ՝ ապացուցելով, որ ես լավն եմ: Ժամանակն է, որ մարդիկ առաջ շարժվեն, ինչպես դա ես եմ արել»,-գրել է Քիմը:

«Ես գոհ եմ, որ իմ մարմնում ինձ հարմարավետ եմ զգում: Ես չեմ վախենում աշխարհին ցույց տալ իմ թերությունները և չեմ վախենում, թե ինչ կասեն իմ մասին»:

Ռեալիտի-շոուի աստղը նաև ավելացրել է, որ ամուսինն ամբողջությամբ աջակցում է իրեն, իսկ մայրիկի և քույրիկի օրինակը ներշնչանք հաղորդում, որ չվախենա լինել անկախ ու սովորոցնել դուստր Նորթին սիրել և ընդունել ինքն իրեն:

«Ես ուզում եմ, որ իմ դուստրը հպարտանա նրանով, ինչպիսին նա կա, ուզում եմ, որ նա սիրի իր մարմինը և իրեն հարմարավետ զգա դրանում: Ես չեմ ուզում, որպեսզի նա մեծանա այնպիսի աշխարհում, որտեղ կզգա, որ չի կարող անել ինչ-որ բան, որովհետև նա կին է»,-նշել է Քիմը:

Իսկ ավարտել է Քարդաշյանն իր էսսեն հետևյալ խոսքերով. «Լսեք, 2016 թվականն է, ժամանակն է ազատվել բոդիշեյմինգից, ես չեմ պատրաստվում ապրել որևէ մեկի թելադրանքով: Ես մայր եմ, քույր եմ, դուստր եմ և ձեռնարկատեր: Եվ ես իրավունք ունեմ լինել սեքսուալ»:

Աղբյուր՝ LADYNEWS.am