Նեպալում երկրաշարժի զոհերի թիվը գերազանցել Է 8,4 հազարը. Կարմիր խաչ

Նեպալի Կարմիր խաչի տվյալներով՝ երկրում երկրաշարժի զոհերի թիվը մայիսի 7-ին գերազանցել Է 8,4 հազարը: «Ըստ մեր տեղեկությունների՝ զոհվել Է 8 հազար 413 մարդ, տուժել Է 17 հազար 576 հոգի»,- իր կայքում տվյալներ Է ներկայացրել Times of India-ն :
Նեպալի Կարմիր խաչի տեղեկատվությունը տարբերվում Է երկրի իշխանությունների պաշտոնական վիճակագրությունից: Այսպես, Արտակարգ իրավիճակների ազգային կենտրոնն ավելի վաղ հաղորդել Է 7 հազար 759 զոհվածների եւ 16 հազար 432 տուժածների մասին:

Ինչպես նշում Է ՏԱՍՍ-ը, Նեպալում հայտնաբերվել ու նույնականացվել են ռուս երկու զբոսաշրջիկների մարմինները, որոնք երկրաշարժի ժամանակ կորել Էին Լանգտանգ բարձրլեռնային ազգային բնայգու տարածքում: Այդ մասին գործակալությանը հայտնել Է Նեպալում ՌԴ-ի դեսպան Սերգեյ Վելիչկինը:

7,9 մագնիտուդով երկրաշարժը ապրիլի 25-ին տեղի է ունեցել Նեպալի արեւմտյան տարածաշրջանում՝ մայրաքաղաք Կատմանդուից 84 կիլոմետր հեռավորության վրա: Երկրաշարժի օջախը եղել է 15 կիլոմետր խորության վրա: Հիմնական երկրաշարժից հետո գրանցվել են 3,2-ից մինչեւ 6,9 մագնիտուդով շուրջ 90 հետցնցումներ: Նեպալի իշխանությունների տեղեկատվության համաձայն՝ ամբողջովին ավերվել է ավելի քան 288 հազար բնակելի շենք, վնասվել է եւս ավելի քան 254 հազար շինություն, հաղորդել Է ՏԱՍՍ-ը: