Ձորաղբյուրը վտանգված է

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Քիչ առաջ ավարտվեց Կոտայքի մարզի Ջրվեժ համայնքի ղեկավարի հանդիպումը Ձորաղբյուր գյուղի բնակիչների հետ, որոնք առավոտվանից փակել էին գյուղի սիրտ հանդիսացող խաչմերուկը։ Երկու պատճառ ունեցող այդ ճարահատված ակցիայի հետևանքով Աբովյանից և մոտակա գյուղերից դեպի Երևան և Գառնի գնացող ճանապարհները չէին գործում։ Առաջին պատճառն այն էր, որ մոտ 10 օր գյուղի բնակիչները զրկվել են ջրից, այդ թվում` խմելու, AYA MARIA կոչվող բիզնեսի ենթադրյալ պատճառով։ Սակայն, բավականին կիրթ թվացող համայնքապետը չէր կողմնորոշվում ինչ անել և առաջարկեց մի անորոշ ժամանակ անջուր մնալ մինչև  մասնագետները լուծում կգտնեն այդ պարզ հարցին։ Պարզ էր այն, որ կարելի էր հենց այսօր այդ բիզնեսի «յուրացրած» ջուրը ուղղել գյուղի կարիքներին․․․Չարվեց․․․

Երկրորդ պատճառն այն էր, որ արդեն երկար ժամանակ գյուղի դպրոց տանող ճանապարհը վեր է ածվել ինչ որ մի բիզնեսմենի շահի և քմահաճույքի՝ ի՜նչ օրենք, ի՜նչ իրավունքներ․․․ Գրեթե 24 ժամյա ռեժիմով գերծանր տեխնիկայով անմայթ և մոտ 4 մ լայնություն ունեցող գյուղական ճանապարհով տարատեսակ հանքանյութ է տեղափոխվում` խաթարելով բնակիչների բնականոն կյանքը՝ փոշի, դղրդոց, վտանգներ, առաջին հերթին դպրոց գնացող երեխաների համար, իսկ անցյալ տարի անգամ մի կին ուղղակի մահից փրկվեց այդ երթևեկությունից։ Սակայն համայնքապետը նորից առաջարկեց համբերել և սպասել լուծումների՝ շարունակելով խախտել բնակիչների բնականոն կյանքի ապահովման իր անմիջական և հիմնական օրենսդրական պարտավորությունը։ 

Երկու փաստ, որոնք արժանի են հիշատակման՝
1. Անթաքույց անկարող համայնքապետը բղավում էր, թե ինքն ի՞նչ կարող է անել, եթե մի շարք գյուղեր ունեն բազմաթիվ պրոբլեմներ՝ ո՞ ր մեկը լուծի,
2. Բնակիչները մտահոգված էին այն փաստով, որ նոր վերանորոգված, այն էլ՝  թանկարժեք ասֆալտապատված ճանապարհներն արդեն սկսել են մաշվել այդ ծանր տեխնիկայի անիվների տակ։
Ո՞վ է պատասխան տալու, իսկ առայժմ մեկը մյուսի վրա է գցում․․․

Ռուբեն Թորոսյան

Հետևեք մեզ՝ այստեղ