Հավակնորդների մրցաշար. Լեւոն Արոնյանի վստահ հաղթանակը
Ուշադրության կենտրոնում
Մոսկվայում ընթացող աշխարհի չեմպիոնի հավակնորդների մրցաշարում հայկական շախմատի առաջատար Լեւոն Արոնյանը երրորդ տուրում սեւերով մրցեց բուլղարացի Վեսելին Տոպալովի հետ եւ վստահ հաղթանակ տարավ:
Սա Լեւոն Արոնյանի առաջին հաղթանակն էր այս մրցաշարում: Առաջին երկու տուրերում հայ գրոսմայստերը խաղացել էր ոչ ոքի եւ այժմ ունի 2 միավոր: Արոնյանը հավասարվեց առաջատարներ Վիշվանաթան Անանդին եւ ռուսաստանցի Սերգեյ Կարյակինին, որոնք երեք տուրից հետո եւս վաստակել են 2-ական միավոր:
Երրորդ տուրում Անանդը սպիտակներով ոչ ոքի խաղաց ամերիկացի Ֆաբիանո Կարուանայի հետ, իսկ Կարյակինը սեւերով միավորը կիսեց հոլանդացի Անիշ Գիրի հետ: Ռուսաստանցի Պյոտր Սվիդլերը եւս բավարարվեց կես միավորով եւ ունի 1.5 միավոր:
Հավակնորդների մրցաշար, երրորդ տուր
Վեսելին Տոպալով (Բուլղարիա) - Լեւոն Արոնյան (Հայաստան)՝ 0:1
Հիկարու Նակամուրա (ԱՄՆ) - Պյոտր Սվիդլեր (Ռուսաստան)՝ 0.5:0.5
Անիշ Գիրի (Հոլանդիա) - Սերգեյ Կարյակին (Ռուսաստան)՝ 0.5:0.5
Վիշվանաթան Անանդ (Հնդկաստան) - Ֆաբիանո Կարուանա (ԱՄՆ)՝ 0.5:0.5
Մրցաշարային դրությունը. Կարյակին, Անանդ, Արոնյան՝ 2-ական, Գիրի, Կարուանա, Սվիդլեր՝ 1.5-ական, Նակամուրա՝ 1, Տոպալով՝ 0.5:
Մարտի 14-ին հավակնորդների մրցաշարում հանգստյան օր է:
1
2
3
4
5
1
2
4
5
1
2
3
4
5
