Վնասված պատուհաններ, լուսավորություն, մեքենաներ․ ի՞նչ վնասներ է կրել Վանաձորը կարկուտից
Ուշադրության կենտրոնումՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Երկու օր առաջ Լոռու մարզկենտրոն Վանաձորում ուժեղ կարկուտ տեղաց, ինչի հետևանքով թե՛ քաղաքը, թե՛ բնակիչները մեծ վնասներ կրեցին։
MediaHub-ի հետ զրույցում Վանաձորի համայնքապետարանի մամուլի քարտուղար Աստղիկ Ավետիքյանը նշեց, որ առայժմ, որպես այդպիսին, քաղաքացներից դիմումներ չեն ստացել, միայն կարկուտի առաջին օրը մի քանի բնակիչ դիմել է համայնքապետարան` ասելով, որ վնասվել է իրենց տան պատուհանները։ Նրա խոսքով՝ հիմա քաղաքում առաջնային է մաքրության խնդիրը, քամու հետևանքով ամբողջ քաղաքը պատված է տերևներով, աղբով:
«Դրսում կայանած մեքենաների վրա նկատվել է կարկուտի հետքեր, բայց քաղաքապետարանին դեռ որևէ պահանջ՝ փոխհատուցման մասով, չկա։ Ընթացքում միգուցե, արդեն երկու օր է, առատ տեղումներ են, այսօր նոր արև է դուրս եկել»,- նշեց Ավետիքյանը։
Ամենաշատ վնասները լապտերներից են։ Մեր զրուցակցի խոսքով՝ Վանաձորի գլխավոր հրապարակի բոլոր շենքերը լուսավորված են LED լույսերով, կարկուտի հետևանքով վնասվել է դրանք մոտ 70%-ը։
Ինչ վերաբերում է փոխհատուցմանը, ապա այս պահին որևէ հստակ բան չկա, դեռ պետք է վնասի գնահատում իրականացվի, և եթե Կառավարությունը համաձայնություն տա, կկազմվի հանձնաժողով, որն է կզբաղվի այդ հարցով:
Էմմա Մարտիրոսյան
Հետևեք մեզ՝ այստեղ
1
2
3
4
5
1
2
3
4
5
3
