Ոչ մի քաղաքացի՝առանց կուսակցության
Blog
Գայանե Հովսեփյանը ֆեյսբուքյան իր էջում գրում է.
Այն ժամանակ, երբ թվում էր, թե ողջ ընտրազանգվածը հավասար «փայ-փայ» է արված եղած կուսակցությունների միջեւ, մեկ էլ հանկարծ՝մի քանի տեղից ճաք տված ԲՀԿ-ից մի բեկոր էլ պոկվեց, ու նախկին արտգործնախարար Օսկանյանը որոշեց նոր կուսակցություն հիմելու մասին մտածել.երեւի «զապադլո» է համարվում, որ «կերած-խմած»Ծառուկյանից հետո քնքուշ-նազելի կին-պատգամավորի «թեի տակ» քաղաքականություն ծավալեն ԲՀԿ-ականները, ու «հերթով, շարքով, կարգով» դուրս են գալիս կուսակցությունից.թեպետ՝մնան ի՞նչ անեն, այնտեղ մտել էին Ծառուկյանի «խաթրու», նա էլ հայտարարեց, որ քաղաքականությամբ էլ չի զբաղվելու:
Վախենամ, մի օր Զոհրաբյանի զահլան գնա ու ասի՝«Վերցրեք ձեր կուսակցությունը, չեմ ուզում այն»:Հարցի մյուս կողմն այն է, թե Օսկանյանի կուսակցությունն ու՞մ բազայի վրա է հիմնվելու, եթե կուսակցությունների խոշորացում է տեղի ունենում ներքաղաքական դաշտում.միգուցե՝նախկին արտգործնախարարների կանանց միությա՞ն /մի ժամանակ նման միություն էլ էր ստեղծվել /:Էդքան կուսակցություն ստեղծել կլինի՞. ի՞նչ են անելու էդքան կուսակցությունները, ժողովրդի մատից փուշ հանելու՞ են:Տեղին կլինի, եթե մի վերահսկող մարմին էլ ստեղծվի, որ ստուգի, թե արդյո՞ք նույն մարդիկ մի քանի կուսակցության մեջ չեն անդամագրվել, այլապես եթե այդ կուսակցությունների ներկայացրած թվերին՝անդամների վերաբերյալ, եթե հավատանք, կարող է ստացվել, որ Հայաստանի բնակչությունը 15 միլիոնն անցնում է:
...Այնպիսի տպավորություն է, թե ավտոտեսուչ է կանգնած քաղաքական դաշտում, ու սուլիչը ձեռքին՝բոլորին հարցնում է.«Դուք որեւէ կուսակցության անդամ ե՞ք, ո՞չ, դե ուրեմն մտեք այսինչ կուսակցություն»:
1
2
3
4
5
3
4
5
1
2
3
4
5
