Փաշինյանը կանգ չի առնելու եկեղեցու դեմ պայքարում
Վերլուծություն
Հայ առաքելական եկեղեցու դեմ իր գործողություններում Նիկոլ Փաշինյանը ոչնչի առջև կանգ չի առնելու։ Երեկ նույնիսկ խորհրդարանում կառավարության հետ հարցուպատասխանի ժամանակ նա սպառնալիքներ է տվել՝ հայտարարելով, որ իր կյանքը կդնի եկեղեցին «մաքրելու» համար։ Աղանդավորի համառությամբ Փաշինյանը պատրաստ է ընդհուպ բռնագրավել վանքեր և եկեղեցիներ, որոնք կառավարությունն անհատույց օգտագործման էր տվել Հայ առաքելական եկեղեցուն։
Մեղադրելով հոգևորականներին խարդավանքների, ֆեյքերի խմբեր պահելու, բարոյական և իրավական նորմերը խախտելու մեջ, Փաշինյանն ընդհուպ հասել է այնտեղ, որ Ամենայն Հայոց Կաթողիկոսին կարգալույծ է հռչակել։ Հոգևորականներին մեղադրել է անբարոյականության մեջ, իսկ Կաթողիկոսի եղբորը՝ Ռուսաստանի թեմի առաջնորդ Եզրաս արքեպիսկոպոսին, անվանել «КГБ»-ի գործակալ։ Փաշինյանը խորհրդարանի ամբիոնից որոշ հոգևորականների վիրավորանքների է ենթարկել՝ նրանց անվանելով «բոսյակ», «սեռական մոլագար», «գանձագող»։
Ստացվում է, որ Հայ առաքելական եկեղեցու դեմ Փաշինյանի գործողությունները միայն քաղաքական նպատակահարմարությամբ չեն սահմանափակվում։ Նա և իր թիմը, որի կազմում, ըստ տարբեր խոսակցությունների, առկա են բազմաթիվ աղանդավորներ, փորձում են առաջին հերթին խարխլել Հայ առաքելական եկեղեցու հիմքերը, և դրա համար ոչնչի առջև կանգ չեն առնում։ Փաշինյանն էլ հաստատել է, որ պատրաստ է ամենազազրելի քայլերին ընդդեմ Հայ առաքելական եկեղեցու։
Տաթև Բադալյան
1
2
3
4
5
1
2
3
4
5
1
2
5
