Մոսկվան՝ թիրախում․ գիշերը ՌԴ-ն ենթարկվել է ուկրաինական անօդաչուների զանգվածային գրոհի

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Երեկ գիշեր ՀՕՊ համակարգերը որսացել և ոչնչացրել են Ռուսաստանի մի քանի շրջանների վրա հայտնաբերված ուկրաինական 100 անօդաչու թռչող սարք, հայտնել է Պաշտպանության նախարարությունը։

Ամենամեծ թվով՝ 46 անօդաչու թռչող սարք, խփվել է Բրյանսկի մարզում։ Եվս 12 անօդաչու թռչող սարք որսացվել է Կալուգայի մարզում, 8-ը՝ Բելգորոդի մարզում, 7-ը՝ Կրասնոդարի մարզում և 6-ը՝ Մոսկվայի մարզում։ Նախարարությունը պարզաբանել է, որ անօդաչու թռչող սարքերի մի մասը ուղևորվում էր դեպի Մոսկվա։

ՀՕՊ համակարգը նաև հայտնաբերել և ոչնչացրել է վեց անօդաչու թռչող սարք Օրյոլի մարզում, չորսը՝ Ուլյանովսկի մարզում, երեքականը՝ Ղրիմի և Մարի Էլի Հանրապետության վրայով, և երկուսը՝ Ստավրոպոլի մարզում։ Մեկական անօդաչու թռչող սարք որսացվել է Կուրսկի, Սմոլենսկի և Տուլայի մարզերում։

Նախորդ օրը Ռուսաստանի Անվտանգության խորհրդի քարտուղար Սերգեյ Շոյգուն հայտարարել էր, որ Ուկրաինայի զինված ուժերի անօդաչու թռչող սարքերի 1%-ից պակասն է հասնում իրենց թիրախներին Ռուսաստանում։ Նա հավելել է, որ բոլոր ռուսական ընկերությունները, այդ թվում՝ նավթագազային ընկերությունները, ձեռնարկում են առավելագույն միջոցներ իրենց օբյեկտները պաշտպանելու համար։ Մասնավորապես, նրանք տեղակայում են շարժական հրշեջ խմբեր՝ օդային թիրախներին հարվածելու համար։

Հետևեք մեզ՝ այստեղ