Բազմաթիվ զոհեր իսրայելական հարվածներից, այդ թվում՝ 24 երեխա

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

ԱՄՆ նախագահ Դոնալդ Թրամփը հայտարարել է, որ Իսրայելը պետք է պատասխանի պաղեստինյան ՀԱՄԱՍ շարժման կողմից հնարավոր հարձակումներին, դա չի հանգեցնի Գազայի հատվածում հրադադարի ռեժիմի խախտման: Այս մասին նա լրագրողներին ասել է նախագահական օդանավում ՝ Տոկիոյից Հարավային Կորեա ճանապարհին։

Նախօրեին իսրայելական ինքնաթիռները մի շարք հարվածներ են հասցրել Գազա քաղաքին։ Ինչպես հաղորդում Է Al Jazeera-ն, հրթիռային հարվածների հետևանքով զոհվել է 63 մարդ, այդ թվում ՝ 24 երեխա: Հրթիռներն ընկել են քաղաքի տարբեր շրջաններում, դրանցից մեկը՝ «Ալ Շիֆա» հիվանդանոցի մոտակայքում։ Ականատեսները հայտնում են Գազայի հատվածում իսրայելական օդուժի ակտիվ աշխատանքի մասին, երկնքում նկատվել են նաև անօդաչու թռչող սարքեր:
«Նրանք սպանել են իսրայելցի զինվորին։ Այսպիսով, իսրայելացիները պատասխան հարված հասցրին, և նրանք պետք է պատասխան հարված հասցնեին: Երբ դա տեղի է ունենում, նրանք պետք է դա անեն»,- հայտարարել է նա։

ԱՄՆ առաջնորդը ՀԱՄԱՍ-ին անվանել է «Մերձավոր Արևելքում աշխարհի շատ փոքր մաս»:

«ՀԱՄԱՍ-ը Մերձավոր Արևելքում ամբողջ աշխարհի շատ փոքր մասն է։ Եթե մենք ստիպված լինենք, մենք շատ հեշտությամբ կհեռացնենք ՀԱՄԱՍ-ը: Եվ դա կլինի ՀԱՄԱՍ-ի վերջը, նրանք պետք է իրենց լավ պահեն։ Մենք կնախընտրեինք դա չանել, մենք գործարք ենք կնքել», - հայտարարել Է Թրամփը։ Միևնույն ժամանակ, Թրամփը վստահություն է հայտնել, որ ներկայիս իրավիճակը սպառնալիք չէ հրադադարի ռեժիմի խախտման համար և «ոչինչ չի վտանգի» Գազայի վերաբերյալ համաձայնագիրը:

Հիշեցնենք` Իսրայելի և ՀԱՄԱՍ-ի միջև կնքված հրադադարի մասին համաձայնագիրն ուժի մեջ մտավ հոկտեմբերի 10-ին: ՀԱՄԱՍ–ը գործարքի շրջանակում ազատ արձակեց 2023 թվականի հոկտեմբերի 7-ից Գազայում պահվող 20 պատանդներին: Բանտարկյալների գործերով պաղեստինյան գրասենյակը հաստատեց, որ Իսրայելի իշխանություններն էլ, հետևելով պայմանավորվածությանը, ազատ են արձակել 1718 բանտարկյալի, որոնք վերադարձել են Գազա, ինչպես նաև ցմահ ազատազրկման կամ երկարատև ժամկետով դատապարտված 250 պաղեստինցի բանտարկյալների:

Ամբողջական հոդվածը կարող եք կարդալ այս հասցեով՝ : https://hraparak.am/post/e1257b48e49cb5c454daba9547444d72

 © 2008 - 2021 «Հրապարակ օրաթերթ»

Հետևեք մեզ՝ այստեղ