«Մարդամեկը». երբ կենցաղը դառնում է կատակերգություն. նոր ընտանեկան սիթքոմ՝ «Արմենիա» TV-ի եթերում
LifeՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
«Արմենիա» հեռուստաընկերության եթերում շուտով կմեկնարկի նոր սիթքոմ՝ «Մարդամեկը», որը պատմում է մեծ հայկական ընտանիքի առօրյայի ու հարաբերությունների մասին: Ընտանիք, որտեղ կողք կողքի ապրում են ծնողները, որդիները, հարսներն ու քույրը։ Հումորը ծագում է այն ամենօրյա իրավիճակներից, որոնք շատերին ծանոթ են՝ սկեսուր-հարս հարաբերություններ, ընտանեկան փոքր կոնֆլիկտներ և, սեր, որ միավորում է ընտանիքի բոլոր անդամներին։
Ֆիլմում ներգրավված են հայտնի ու սիրված դերասաններ, ովքեր վստահ են, որ նախագիծը կգրավի հանդիսատեսի սիրտը։ Դերասանական կազմում եմ Լևոն Հարությունյանը, Իրինա Դանիելյանը, Միհրան Ծառուկյանը, Արփի Գաբրիելյանը, Արման Խաչատրյանը, Մոսո Կարապետյանը և այլք:
Tert.am Life-ը ներկա է եղել սիթքոմի նկարահանումներին ու զրուցել դերասանների հետ:
«Կյանքում մեկ զավակ ունեմ, բայց այստեղ երեքի հայր եմ». Լևոն Հարությունյան
Դերասան Լևոն Հարությունյանը սիթքոմում մարմնավորում է երեք զավակների հորը՝ Սամվելին:
«Իմ կյանքում մեկ զավակ ունեմ, բայց այստեղ երեքի հայր եմ։ Սիթքոմը միայն ծիծաղի մասին չէ։ Այն տալիս է լավ տրամադրություն, ունի նաև հուզական պահեր։ Այն մեր հայկական ընտանիքի մասին պատմություն է, որտեղ ամեն մարդ իրեն մի իրավիճակում կտեսնի։ Թիմը հիանալի է, և ես վստահ եմ, որ նախագիծը կունենա մեծ հաջողություն»:
«Ավանդական հայկական ընտանիքի մթնոլորտ է». Իրինա Դանիելյան
Իրինա Դանիելյանը խաղում է տան մայրիկի և սկեսուրի կերպարը:
«Այստեղ ավելի ավանդական հայկական ընտանիքի մթնոլորտ է։ Սկեսուրը մի քիչ խիստ է, մի քիչ՝ հեգնական, բայց ամեն ինչի մեջ կա սեր։ Թիմը շատ հաճելի է, և ուրախ եմ, որ հենց այս կազմով ենք աշխատում։ Նախագիծն ինձ գրավեց առաջին հերթին մարդկանցով, հետո նաև սցենարը դարձավ հաճելի»,- նշեց դերասանուհին:
«Մեզ ծանոթ և իրական հայկական իրավիճակ է». Մոսո Կարապետյան
«Մարմնավորում եմ մեծ եղբորը՝ Սուրիկին: Պատմությունն անդրադառնում է այն ընտանիքներին, որոնք ապրում են միասին, և որտեղ ամեն օր առաջանում են զվարճալի իրավիճակներ։ Իմ կերպարը իր կնոջ հետ միշտ փորձում է դուրս գալ տնից ու առանձին ապրել, բայց սիրուց չի կարողանում հեռանալ ընտանիքից։ Սա մեզ ծանոթ և իրական հայկական իրավիճակ է»,- մեզ հետ զրույցում ասաց Մոսո Կարապետյանը:
«Նախագիծը ստեղծվել է Հայկ Ալեքյանի հետ համատեղ». Միհրան Ծառուկյան
Միհրան Ծառուկյանը սիթքոմում մարմնավորում է տան կրտսեր որդիներից մեկին և սիթքոմում հանդես է գալիս որպես պրոդյուսեր.
«Նախագիծը ստեղծվել է Հայկ Ալեքյանի հետ համատեղ։ Մենք առաջարկեցինք այն Արմենիա հեռուստաընկերությանը և մշակեցինք միասին։ Կարծում եմ՝ հանդիսատեսը կսիրի, որովհետև սա իրական և ծանոթ ընտանեկան պատմություն է»։
«Խաղում եմ ավանդական հարսի կերպար». Արփի Գաբրիելյան
«Ես խաղում եմ ավանդական ահրսի կերպար: Նատան այն հարսն է, որը երբեմն լռում է, երբեմն չի լռում, ապրում է զգացմունքներով։ Բոլորը ինչ-որ նմանություն կգտնեն իրենց ու այս կերպարի մեջ։ Թիմի հետ աշխատելը շատ հաճելի է, հատկապես Արմանի հետ, ում հետ առաջին անգամ եմ խաղում, և նա հիանալի խաղընկեր է»։
«Սկզբում շատ լարված էի, բայց Լևոն Հարությունյանն ու Իրինա Դանիելյանն աջակցեցին». Դիանա Զաքարյան
Դիաննա Զաքարյանի համար սա առաջին մեծ դերասանական նախագիծն է.
«Սկզբում շատ լարված էի, բայց Լևոն Հարությունյանը ու Իրինա Դանիելյանը այնքան աջակցող և ջերմ մարդիկ են, որ միանգամից ընկա ճիշտ ռիթմի մեջ։ Ինձ համար մեծ պատիվ է նրանց հետ աշխատելը։ Նկարահանումները հաճելի են ու ստեղծագործ»։
Հետևեք մեզ՝ այստեղ
1
2
3
4
5
1
2
3
1
2
