ԱԱ-2026․ Հայտնի են եզրափակիչ փուլի 48 մասնակիցներից 34-ը

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Ֆուտբոլի 2026 թվականի Աշխարհի առաջնության եզրափակիչ փուլի մասնակիցների թիվը համալրեցին Գերմանիայի և Նիդեռլանդների հավաքականները։ Այսպիսով, այս պահի դրությամբ հայտնի են մրցաշարի 48 մասնակիցներից 34-ը։

Երկուշաբթի օրը կայացած եվրոպական ընտրական փուլի վերջին տուրում Գերմանիայի հավաքականը 6:0 հաշվով ջախջախեց Սլովակիային և զբաղեցրեց առաջին տեղը A խմբում։ G խմբում Նիդեռլանդները 4:0 հաշվով առավելության հասան Լիտվայի նկատմամբ՝ նույնպես գրավելով առաջին հորիզոնականը և նվաճելով եզրափակիչ փուլի ուղեգիր։

ԱԱ-2026-ի բոլոր հայտնի մասնակիցները

Տանտեր երկրներ. ԱՄՆ, Կանադա, Մեքսիկա

Որակավորումն անցած թիմեր. Գերմանիա, Նիդեռլանդներ, Խորվաթիա, Անգլիա, Պորտուգալիա, Նորվեգիա, Ֆրանսիա, Ճապոնիա, Նոր Զելանդիա, Իրան, Արգենտինա, Ուզբեկստան, Հարավային Կորեա, Հորդանան, Ավստրալիա, Բրազիլիա, Էկվադոր, Ուրուգվայ, Կոլումբիա, Պարագվայ, Մարոկկո, Թունիս, Եգիպտոս, Ալժիր, Գանա, Կաբո Վերդե, ՀԱՀ, Սենեգալ, Կոտ դ’Իվուար, Կատար, Սաուդյան Արաբիա։

Հիշեցնենք, որ Աշխարհի 2026 թվականի առաջնությունը կանցկացվի ԱՄՆ-ում, Կանադայում և Մեքսիկայում՝ հունիսի 11-ից հուլիսի 19-ն ընկած ժամանակահատվածում։ Պատմության մեջ առաջին անգամ մրցաշարին կմասնակցի 48 հավաքական։ Մրցաշարի գործող չեմպիոնը Արգենտինայի հավաքականն է։

Հետևեք մեզ՝ այստեղ