5 խորամանկություն սկեսուրների հետ շփման մեջ

Ձեր սկեսուրը մեղմ ասած կատարյալ չէ՞: Ինչևէ, դա տարածված խնդիր է: Կանանց մեծամասնությունը ստիպված ընտրում է վարվելակերպի ռազմավարություն` կամ ամեն ինչում համաձայնվել, կուլ տալով նեղվածությունը, կամ մշտապես պայքարել: Իսկ խնդրի լուծման ամենաարդյունավետ տարբերակը ինչպես միշտ կանացի խելամտությունն է: Ահա մի քանի տարբերակներ սկեսուրի հետ ապրելու համար:

1. Եթե սկեսուրը սովորեցնում է, թե ինչպես դաստիարակել երեխաներին

Եթե թոռան հայնտվելուց հետո սկեսուրը որոշում է իրեն փորձագետ զգալ դաստիարակման մեջ, ապա պատրաստ եղեք մշտապես խորհուրդներ լսելուն:

Ընտանեկան հոգեբաններն ասում են, որ շատ դեպքերում սկեսուրը տատիկի գործառույթների փոխարեն իր վրա է վերցնում ծնողի առաքելությունը: Շատ հաճախ դա տեղի է ունենում նրա համար, որ տատիկը ցանկանում է իրեն պիտանի զգալ: Այսպիսի դեպքում, պետք է հասկացնել նրան, որ միայն երեխայի ծնողները կարող են որոշել, թե ինչ է նրան պետք և ինչպես է ճիշտ դասիարակել:

Այսպիսի դեպքերում հոգեբանը խարհուրդ է տալիս կիրառել կանացի խորամանկությունը․
թողեք, որպեսզի սկեսուրն արտահայտի իր կարծիքը, սակայն դուք վարվեք այնպես, ինչպես դուք եք ճիշտ գտնում:

Աշխատեք քիչ զբաղվել երեխայի դասիարակությամբ սկեսուրի ներկայությամբ, այդպես նա ավելի քիչ առիթ կունենա կպնելու:

Հաճախ զանգեք նրան, առիթի դեպքում խորհուրդ հարցրեք, այդպես նա իրեն պիտանի կզգա:

Սահմանափակեք սկեսուրի հետ թոռնիկի մնալու ժամանակը գտնելով գործնական պատրվակներ՝ օրինակ երեխային պետք է զարգացնել խոսակցականը և նա պետք է հաճախ շփվի տարեկիցների հետ:

2. Եթե սկեսուրը սովորեցնում է տնային գործեր անել

Եթե ձեր սկեսուրը համոզված է, որ իր ապորը ամենահամեղն է, իսկ ձեզ կարելի է վստահել միայն ձու խաշել, ապա սիրելի որդու համար համեղ ուտեստները կդառնան մշտական: Հոգեբանորեն ճիշտ կլինի դիտարկել իրավիճակը երեք տեսանկյունից՝ ձեր, սկեսուրի և չեզոք․ դա կօգնի հասկանալ և ճիշտ դիրք գրավել:

Պարբերաբար խորհրդակցեք ձեր սկեսուրի հետ տնային տնեսություն վարելու մեջ, այն կբարձրացնի նրա հեղինակությունը և կհասկացնի նրան, որ դուք չեք պատրաստվում պատերազմել նրա հետ:

Հետաքրքրվեք նրանից, թե ինչպիսի ուտեստներ է սիրում և ինչ չի սիրում նրա որդին, խնդրեք բաղադրատոմսը:

Երբ գնում եք նրա մոտ հյուր, առաջարկեք ձեր օգնությունը, ասեք, որ ձեր մոտ ինչ-որ բան չի ստացվում և խնդրեք, որ օգնի ճիշտ անել:

3. Եթե սկեսուրը ճնշում է գործադրում որդու վրա

Նույնիսկ ուժեղ տղամարդը հալչում է, երբ մայրիկը որևէ բան է խնդրում, իսկ եթե նա արցունք է թափում, ամեն ինչ կորած է: Ծայրահեղության է իրավիճակը հասնում, երբ սկեսուրը որդուն տրամադրում է կնոջ դեմ: Այդ դեպքում պետք չէ ամուսնուն երկընտրանքի առջև կանգնեցնել՝ կամ ես, կամ նա: Հաճախ մայրը չի կարողանում պոկվել որդուց, քանի որ, երբ նա գնում է, մոր մոտ դատարկություն է սկսվում: Այսպիսի իրավիճակում շատ բան կախված է տղամարդուց՝ նա պետք է հստակ հասկացնի մորը, որ ունի իր ընտանիքը:

Փորձեք հասկանալ, թե ինչն է ձեր ամուսնուն այդքան կապում մոր հետ, շատ հաճախ դա կարող է լինել հասարակ հոգատարություն, համեղ ընթրիք, այդ պատճառով նա հաճախ է սիրում գնալ ծնողների մոտ:

Երբեք ձեր ամուսնուն մի բողողեք նրա մորից: Փորձեք միասին մտածել, թե ինչպես հետաքրքրացնել տատիկի կյանքը, օրինակ, նվիրեք նրան պլանշետ, որպեսզի այլ տատիկների հետ ֆորումներում քննարկի իրեն հետաքրքրող հարցեր:

Հետաքրքվեք ձեր սկեսուրից իրենց ընտանեկան ավանդույթներից և փորձեք պահպանել դրանցից որոշները:
Մի խրախուսեք ձեր ամուսնու ցանկությունն՝ անցկացնել բոլոր տոներն իր մայրիկի հետ:

4. Եթե ձեր սկեսուրը հաճախ է ձեզ հյուր գալիս

Ամենադժվարը նրանց համար է, ովքեր ապրում են սկեսուրների հետ, սակայն կան տատիկներ, ովքեր պատրաստ են ամեն օր հերոսություն անել և հասնել քաղաքի մյուս ծայրը՝ միայն թե թոռներն ուտեն իրենց պատրաստած կարկանդակները: Իսկ եթե սկսվում է՝ ինձ միայնակ վատ է, միգուցե ես ձեր մոտ տեղափոխվեմ խոսակցությունը, ապա արժե զգոն լինել:

Հոգեբանները միանշանակ պնդում են՝ երիտասարդ ընտանիքը պետք է առանձին ապրի: Պետք է լինեն հստակ սահմաններ՝ առանց ավելորդ ագրեսիայի և մեղադրանքների: Ավելի հեշտ է խանգարել սկեսուրի ցանկությանն ապրել միասին, քան հետո նրանից ազատվել:

Խուսափեք ձեր տանը հաճախ հանդիպելուց, այլապես նա ավելի ու ավելի հաճախ կգա: Սկեսուրի տանը լինելուց աշխատեք հաճոյախոսել նրա տան մասին:

Հաճախ զանգեք տատիկին հեռախոսով, ուղղակի զրուցելու համար, խորհուրդ հարցնելու:

Նվիրեք նրան թատրոն գնալու աբոնեմենտ, որպեսզի նա երեկոները զբաղմունք ունենա:

Եթե ձեր մոտ տեղափոխվելու վտանգը մոտենում է, վերանորոգում ձեռնարկեք տանը:

5. Ինչ է կարելի ասել սկեսուրին, ինչ՝ ոչ

Այնպիսի բառակապցությունն, ինչպիսին է՝ «Իսկ գիտ՞եք ձեր որդին ինչ է արել», հնչում է որպես մեղադրանք որդու սխալ դաստիարակության առնչությամբ:

Եթե ձեր սկեսուրը ցանկանում է որևէ բան անել, որը դուք չեք ուզում, օգտագոծեք այնպիսի արտահայտություններ, որոնք կարտացոլեն ձեր վերաբերմունքը իրավիճակին. «Ինձ դժվար կլինի այնտեղ գնալ, քանի որ ինձ վնասակար է երկար մնալ արևի տակ»:

Չարժե անել արտահայտություններ, որոնք սկեսուրների հանդեպ նախատրամադրություն են պարունակում. «Մայրիկս ինձ ասում էր, որ այդպես էլ լինելու է», «Այսպիսին են բոլոր մայրիկների տղաները»:

Աղբյուր՝ LADYNEWS.am