Կյանքից հեռացել է բռնցքամարտիկ Վանես Մարտիրոսյանը

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

40 տարեկան հասակում մահացել է ճանաչված բռնցքամարտիկ Վանես Նորիկի Մարտիրոսյանը։ Մահվան պատճառը եղել է սկվամոզ բջջային քաղցկեղը, որի դեմ մարզիկը պայքարում էր ընդամենը մեկ տարի։ Այս մասին փոխանցում է sportaran.com-ը։

Մարտիրոսյանը հայ և ամերիկյան բռնցքամարտի ամենաազդեցիկ դեմքերից էր։ Նա Հայաստանի 8-ակի չեմպիոն էր, ԱՄՆ «Golden Gloves» տիտղոսի դափնեկիր, ինչպես նաև 2004 թ. Օլիմպիական խաղերի մասնակից։ Մասնագիտական հարթակում նա նվաճել էր NABF աշխարհի չեմպիոնի կոչումը, NABO-ի vacant տիտղոսը, WBA International, WBC Silver և WBO Inter-Continental գոտիները առաջին միջին քաշային կարգում։

Մարտիրոսյանի վերջին մենամարտը կայացել էր 2018 թվականին՝ լեգենդար Գենադի Գոլովկինի դեմ։

Կյանքի վերջին ամիսներին մարզիկը բացահայտ պատմում էր հիվանդության դեմ պայքարի և ապաքինման հույսի մասին։ Նրա խոսքերը, որոնք դարձան գրեթե հրաժեշտի ուղերձ, այսօր հնչում են հատկապես տխուր.

«Պարզապես աղոթում եմ Աստծուն, որ բուժի ինձ… Աղոթում եմ հրաշքի համար։ Բժիշկներն ասում են, որ սա այնքան հազվագյուտ հիվանդություն է, որ աղետում է մարդկանց ընդամենը 1 տոկոսին։ Գիտեք, եղբայրս մահացավ սրտի կաթվածից՝ 40 տարեկանում։ Մայրս ու հայրս արդեն իրենց տեղն են ամրագրվել նրա կողքին։ Նրանց ասացի, որ չեմ ուզում լինել հաջորդը»։

Սպորտային աշխարհը սգում է տաղանդավոր բռնցքամարտիկի կորուստը, ով պայծառ հետք է թողել բռնցքամարտի պատմության մեջ։

Հետևեք մեզ՝ այստեղ