Եթե Թուրքիայում շարունակեն քրդերին թշնամի համարել, քրդերը կանջատվեն. քուրդ առաջնորդ

Քրդստանի հասարակությունների միություն (KCK) կուսակցության համանախագահ Մուրադ Քարայըլանը, ով համարվում է Քրդստանի աշխատավորական կուսակցության (PKK) զինված թեւի առաջնորդներից մեկը, հայտարարել է, որ եթե Թուրքիայի ղեկավարությունը շարունակի քրդերին թշնամի համարել, քրդերը կանջատվեն, իսկ եթե նախագահ Թայիփ Էրդողանը եւ իշխող «Արդարություն եւ զարգացում» կուսակցությունը (AKP) ետքայլ կատարեն իրենց ջարդարար, ռասիստական դիրքորոշումից, ապա Նովր ուզի տոները կարող են նոր գործընթացի եւ քրդական խնդրի լուծման միջոց դառնալ:

Այս մասին, ինչպես հաղորդում է«Արմենպրես»-ը, Քարայըլանը հայտարարել է StՍrk TV հեռուստաալիքին տված հարցազրույցում` նշելով, որ քուրդ ժողովուրդն արդեն հասնում է իր իրավունքների ձեռքբերմանը:

Նրա խոսքով` քրդերի ազատագրական պատերազմը ոչ թե թուրք ժողովրդի դեմ է, այլ` AKP-ի:

«2013 թվականը շարքային տարի չի լինելու: Այն լինելու է քուրդ ժողովրդի եւ Թուրքայի ապագայի որոշման տարի: Քուրդ ժողովուրդը Նովրուզը դիմավորում է «Ազատ Քրդստան», «ժողովրդավարական Քրդստան» լոզունգներով: Եթե քրդերի դեմ թշնամությունը շարունակվի, քրդերը կանջատվեն Թուրքիայից», -ասել է Քարայըլանը:

Քուրդ առաջնորդը հավաստիացրել է, որ իրենց թիրախը երբեք քաղաքացիները չեն եղել:

«Անկարայում պայթյունի հետ մենք որեւէ կապ չունենք: Մենք երբեք թիրախ չենք դարձրել քաղաքացիներին: Մենք թիրախ ենք համարում զինվորական միավորումները եւ քրդերին թշնամի համարող AKP-ին: Քրդերը երբեք չեն հրաժարվի իրենց իրավունքների համար պայքարից մինչեւ չհասնեն ինքնիշխանության», -ամփոփել է KCK առաջնորդը: