Ի՞նչ խորհուրդներ է Լևոն Տեր-Պետրոսյանը տվել Նիկոլ Փաշինյանին 2018թ․-ին

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Հայ ազգային կոնգրեսի փոխնախագահ Լևոն Զուրաբյանն այսօր մամուլի ասուլիսի ժամանակ մանրամասնել է, թե 2018 թ․ ինչ 3 խորհուրդ է տվել ՀՀ առաջին նախագահ Լևոն Տեր-Պետրոսյանը վարչապետ Նիկոլ Փաշինյանին։ Այս մասին փոխանցում է Սպուտնիկ Արմենիան:

Զուրաբյանի խոսքով՝ նախևառաջ խորհուրդ է տվել հրապարակել ՀՀ երրորդ նախագահ Սերժ Սարգսյանի կողմից ստացած՝ Արցախյան հակամարտության կարգավորման վերաբերյալ վերջին փաստաթուղթը՝ շեշտելով, որ դա կօգնի հետագայում ավելի հեշտությամբ լուծել կարգավորման հետ կապված հարցերը, բացի այդ, բոլորը կտեսնեն, թե ինչ ժառանգություն է ստացվել։

«Տեր-Պետրոսյանն այդ բանը արել էր նաև 2007թ․։ Ինքը հրավիրել էր ամերիկյան դեսպանին, ասել էր՝ անկախ նրանից, թե ով կդառնա նախագահ 2008թ․՝ Սերժ Սարգսյանը, թե ես, ճիշտ կլինի, որ Մադրիդյան սկզբունքները հրապարկվեն, ֆիքսվի, որ դա պաշտոնական բան է, որից հետո նոր նախագահին ավելի հեշտ կլինի կարգավորման ուղղությամբ գնալ։ Եվ արեցին, առաջին անգամ հրապարակվեցին Մադրիդյան սկզբունքները 2007թ․ դեկտեմբերին՝ հանդիպումից հետո»,- նշեց Զուրաբյանը։

Նրա խոսքով՝ միայն 2020թ․ Նիկոլ Փաշիյանը հրապարկեց Կրակովյան փաստաթուղթը։

ՀՀ առաջին նախագահի երկրորդ խորհուրդը վերաբերել է Ռուսաստանի հետ հարաբերությունների կարգավորմանը։ Լևոն Տեր-Պետրոսյանը նշել է, որ Փաշինյանը խաթարել է հարաբերությունները ՌԴ-ի հետ և անվստահելի է դարձել նրանց համար։

«Ռուսաստանի հետ պետք է սիստեմային աշխատել՝ նախարարությունների միջոցով, տարբեր ուղիներով, գնա, այդ հարաբերություններն ավելի լուրջ աշխատանքային մակարդակի վրա բարձրացրու»,- ներկայացրել է Զուրաբյանը։

Նախագահի երրորդ առաջարկ-խնդրանքն էլ վերաբերել է Վանո Սիրադեղյանին հայրենիք վերադարձնելուն, ինչը ևս Փաշինյանը մերժել է։

Զուրաբյանը շեշտեց՝ Տեր-Պետրոսյան-Փաշինյան հանդիպումն այնքան կեղծ ձևով է ներկայացվել փաշինյանական կողմից, որ ՀՀ առաջին նախագահը դրանից հետո հրաժարվել է նոր հանդիպում ունենալ։

Հետևեք մեզ՝ այստեղ