ԱԱԾ-ն որևէ տեղ չի գնում որպես ուժային կառույց. կան մարդիկ, որոնք կապեր ունեն հոգևորականների հետ. Արթուր Հովհաննիսյան
ՀասարակությունՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Վարչապետը երեկ բավական հստակ մեկնաբանեց հարցը։ Խոսքը որևէ ճնշման կամ պատարագի տեքստը ստիպողաբար փոխելու մասին չէ։ Կտրիճ Ներսիսյանը կաթողիկոս չէ, և բնական է, որ մենք տարբեր մարդկանց միջոցով,որոնք ծանոթ են հոգևորականների հետ,պարզաբանումներ ենք ստանում պատարագի վերաբերյալ: Այս մասին ԱԺ-ում ճեպազրույցների ժամին ասել է «Քաղաքացիական պայմանագիր» խմբակցության քարտուղար Արթուր Հովհաննիսյանը՝ պատասխանելով այն հարցին, որ իրավապաշտպանները քննադատում են վարչապետ Նիկոլ Փաշինյանին, որ նա ԱԱԾ-ի միջոցով ստիպում է ցենզուրայի ենթարկել հոգևորականներին պատարագում իրենց տեքստը, որ 25 տարի շարունակ հնչեցրել են, Փաշինյանը երեկ հաստատեց, որ նաև ԱԱԾ-ն է այսպես համոզում քահանաներին կրճատել Գարեգին երկրորդի Վեհափառի անունը:
Հովհաննիսյանը նշել է, որ նման ձևակերպումները՝ «ստիպում են», «ցենզուրայի ենթակա են դարձնում», իր կարծիքով, տեղին չեն. «Այդ մարդկանց թվում կարող են լինել նաև ԱԱԾ աշխատակիցներ, բայց դա որևէ կերպ կապ չունի ճնշման կամ ցենզուրայի հետ։ Վարչապետը ըստ այդմ է որոշում՝ մասնակցել պատարագին, թե ոչ՝ կախված նրանից, արդյոք տվյալ հոգևորականը կիսում է եկեղեցու նորոգման օրակարգը»։
Լրագրողի հստակեցնող հարցին՝ արդյոք ԱԱԾ-ն իրականում այցելում է հոգևորականներին, պաշտոնյան կրկին ասաց․ «ԱԱԾ-ն որևէ տեղ չի գնում որպես ուժային կառույց։ Վարչապետը բացատրել է՝ խոսքը տարբեր մարդկանց մասին է, որոնք ունեն կապեր հոգևորականների հետ։ Նրանց շարքերում կարող են լինել ԱԱԾ աշխատակիցներ, բայց սա չի նշանակում, որ ԱԱԾ-ն որպես ուժային մարմին շփվում է հոգևորականների հետ։ Ոչ մի ճնշում կամ պարտադրանք չկա»։
Լրագրողը նշեցլ է, որ հանրության ընկալման մեջ ԱԱԾ-ն ուժային կառույց է, և նրա ներկայությունը դժվար է դիտվում որպես «խնդրանք» կամ «ծանոթի կապերի օգտագործում»։
Պաշտոնյան արձագանքել է, որ խնդիրը հենց ընկալումների դաշտում է, և իրականում որևէ ցենզուրա կամ պարտադրանք հոգևորականների նկատմամբ չի իրականացվում։
Հետևեք մեզ՝ այստեղ
1
2
3
4
5
1
2
3
5
3
5
