«Բարսելոնան» հաղթել է «Բետիսին», Տորեսը՝ հեթ-տրիկի հեղինակ

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Իսպանիայի առաջնության 15-րդ տուրում առաջատար «Բարսելոնան» հյուրընկալվելիս գոլառատ խաղում հաղթանակ տարավ «Բետիսի» նկատմամբ (5-3)։

Հանդիպման հաշիվը բացվեց 6-րդ րոպեին, երբ աչքի ընկավ տանտերերի բրազիլացի հարձակվող Անտոնին։ «Կապտանռնագույնների» կազմում հեթ-տրիկ գրանցեց Ֆերան Տորեսը (11, 13, 40), մեկական անգամ էլ աչքի ընկան Ռունի Բարջին (31) և Լամին Յամալը, անվրեպ իրացնելով 11 մետրանոց հարվածը (59)։

Խաղի վերջնամասում անդալուզյան ակումբը ևս երկու գոլ հեղինակեց. նախ աչքի ընկավ Դիեգո Լյորենտեն (85), ապա խաղի հիմնական ժամանակի վերջին րոպեին 11 մետրանոցը հստակ իրացրեց Կուչո Էրնանդեսը, ձևակերպելով խաղի վերջնական հաշիվը՝ 5-3։

Այս խաղից հետո «Բարսելոնան» վաստակած միավորների քանակը հասցրեց 40-ի՝ շարունակելով գլխավորել Լա լիգայի մրցաշարային աղյուսակը։ «Բետիսը» 24 միավորով 5-րդն է։

Հետևեք մեզ՝ այստեղ