Հայաստանը կրոնապետություն չէ, յուրաքանչյուրն ազատ է իր ընտրության մեջ. Փաշինյան

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Վարչապետ Նիկոլ Փաշինյանը ֆեյսբուքյան իր էջում տեսանյութեր է հրապարակում, որտեղ խոսել է եկեղեցու դեմ արշավից։

«Հիմա ես ամեն կիրակի գնում եմ պատարագի։ Ի դեպ, մարդիկ ասում են, թե ինչու ես նախորդող շրջանում չեմ գնացել։ Նույն պատճառով. որովհետև որոշ բարձրաստիճան եկեղեցական պաշտոնյաներ իրենց գործողություններով ինձ նման հազարավոր, եթե ոչ տասնյակ հազարավոր մարդկանց վանել են եկեղեցուց։ Որովհետև անհնար է անընդհատ գնալ և գտնվել այս մթնոլորտում և միջավայրում։ Նրանք շատ են խոսում աղանդավորության մասին, բայց ամենամեծ աղանդավորը Կտրիճ Ներսիսյանն ու նրա նեղ շրջապատն են։ Որովհետև ի՞նչ է աղանդը։ Դա հավատի եղծումն է, հավատը նենգափոխելն է, հավատը նվազեցնելն է, մարդուն հավատից հեռացնելն է։

Նրանք տասնյակ հազարավոր մարդկանց հեռացրել են հավատքից, ՀԱԵ-ից։ Եվ մարդիկ, իրենց հոգևոր կյանքի փնտրտուքով, գնացել են, հայտնվել են տարբեր տեղերում, որտեղ շատ թե քիչ ինչ-որ հոգևոր խոսակցություններ և հոգևոր թեմատիկա կա»,- նշել է նա։

Մեկ այլ տեսանյութում էլ Փաշինյանն ասել է. «Հայաստանը կրոնապետություն չէ, յուրաքանչյուրն ազատ է իր ընտրության մեջ։ Մարդը կարող է հավատալ Աստծուն, մենք դրան պետք է հարգանքով վերաբերենք, մարդը կարող է չհավատալ Աստծուն, մենք դրան էլ պետք է հարգանքով վերաբերենք։

Հետևեք մեզ՝ այստեղ