Ճապոնիան մտադիր է 2026 թվականին ռեկորդային գումար հատկացնել պաշտպանությանը․ NHK

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Ճապոնիայի կառավարությունը 2026 ֆինանսական տարում (որը սկսվում է 2026 թ. ապրիլի 1-ից) նախատեսում է զինված ուժերի կարիքների համար ռեկորդային գումար հատկացել՝ ավելի քան 9 տրիլիոն իեն (ավելի քան 58 միլիարդ դոլար): Այս միջոցները կուղղվեն, մասնավորապես, հեռահար հրթիռների ձեռքբերմանը և անօդաչու թռչող սարքերի կիրառմամբ պաշտպանական համակարգի ստեղծմանը: Ինչպես հայտնում է NHK հեռուստաալիքը, ներկայումս պաշտպանության նախարարությունն այս հարցը համաձայնեցնում է երկրի ֆինանսական գերատեսչության հետ

Հատկացումների զգալի մասն ուղղվելու է ավելի քան 1 հազար կմ հեռահարությամբ «Տիպ-12» հրթիռների և սեփական արտադրության գերձայնային սահող բլոկների ձեռքբերմանը, ինչպես նաև Մեծ Բրիտանիայի և Իտալիայի հետ համատեղ վեցերորդ սերնդի մարտական ինքնաթիռի մշակմանը։ Նախատեսվում է միջոցներ հատկացնել SHIELD համակարգի ստեղծմանը, որը նախատեսված է անօդաչու սարքերի օգնությամբ Ճապոնիայի չափազանց երկար առափնյա գիծը պաշտպանելու համար։ Ծրագրվում է նաև մշակել դրոններ՝ երկրի օդային տարածքի պահպանության համար

Ճապոնիայի կառավարությունը 2022 թվականի դեկտեմբերի 16-ին հաստատել է ազգային անվտանգության գործող ռազմավարությունը։ Մասնավորապես, դրանում նշվում է Տոկիոյի իրավունքը՝ հակահարվածներ հասցնել պոտենցիալ հակառակորդի տարածքում գտնվող թիրախներին։ Ռազմավարությունը նախատեսում է նաև մինչև 2027 թվականը ռազմական ծախսերն ավելացնել մինչև ՀՆԱ-ի 2%-ը, սակայն երկրի ներկայիս վարչապետ Սանաե Տակաիչին որոշում է կայացրել ժամկետից շուտ հասնել այդ նպատակին՝ մինչև հաջորդ տարվա մարտի վերջ։

Հետևեք մեզ՝ այստեղ