Globe Soccer Awards. հայտնի են տարվա լավագույն ֆուտբոլիստն ու ֆուտբոլիստուհին

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

«Պարի Սեն Ժերմենի» հարձակվող Ուսման Դեմբելեն Globe Soccer Awards-ի վարկածով ճանաչվել է 2025 թվականի աշխարհի լավագույն ֆուտբոլիստ։

​Ընթացիկ՝ 2025/26 մրցաշրջանում ֆուտբոլիստը փարիզյան ակումբի կազմում մասնակցել է 12 հանդիպման՝ դառնալով 4 գոլի և 3 գոլային փոխանցման հեղինակ։

​ՊՍԺ-ի կազմում հարձակվողը նվաճել է Ֆրանսիայի 2024/25 մրցաշրջանի չեմպիոնությունը, երկրի Գավաթն ու Սուպերգավաթը։

Նա նաև Չեմպիոնների լիգայի հաղթող է, ՈւԵՖԱ-ի Սուպերգավաթակիր և Միջմայրցամաքային գավաթի խաղարկության հաղթող։

​Նշենք, որ Դեմբելեի գործող պայմանագիրը ՊՍԺ-ի հետ նախատեսված է մինչև 2028 թվականի հունիսի 30-ը։

​«Բարսելոնայի» կիսապաշտպան Այտանա Բոնմատին Globe Soccer Awards-ի վարկածով ճանաչվել է աշխարհի լավագույն ֆուտբոլիստուհի։ Տարվա լավագույն կանանց թիմ մրցանակին էլ արժանացել է «Բարսելոնան»։

​Անցած մրցաշրջանում Բոնմատին կատալոնական ակումբի կազմում դարձել է Իսպանիայի չեմպիոն, նվաճել երկրի Գավաթն ու Սուպերգավաթը։

Կիսապաշտպանը դարձել է 16 գոլի և 12 գոլային փոխանցման հեղինակ։
​Իսպանիայի ազգային հավաքականի կազմում նա հասել է Եվրոպայի առաջնության եզրափակիչ, որտեղ իսպանացիները հետխաղյա 11-մետրանոցներով զիջել են Անգլիային (1:1, 1:3):

Չնայած պարտությանը՝ Բոնմատին ճանաչվել է մրցաշարի լավագույն ֆուտբոլիստ։

Հետևեք մեզ՝ այստեղ