2026 թվականը կարող է վճռորոշ լինել ինչպես Գերմանիայի, այնպես էլ ամբողջ Եվրոպայի համար. Մերց

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Գալիք 2026 թվականը կարող է վճռորոշ լինել ինչպես Գերմանիայի, այնպես էլ ամբողջ Եվրոպայի համար։ Այս մասին ասվել է Գերմանիայի կանցլեր Ֆրիդրիխ Մերցի ազգին ուղղված առաջին ամանորյա ուղերձում, որի տեքստը տարածել է Գերմանիայի կաբինետի մամուլի ծառայությունը՝ ТАСС-ի փոխանցմամբ։

«Դա կարող է լինել այն տարին, երբ Գերմանիան և Եվրոպան նոր թափով կվերադառնան խաղաղության, ազատության և բարգավաճման տասնամյակների փուլ: Աշխարհն արագ փոխվում է և այդ փոփոխություններն ազդում են բոլորի վրա», - նշել է Մերցը։ ​​ 

Կանցլերը նաև նշել է, որ Գերմանիայի տնտեսությունը ճնշման տակ է անհրաժեշտ բարեփոխումների, բարձր ծախսերի և միջազգային առևտրային հակամարտությունների պատճառով։

«Մենք տեսնում ենք համաշխարհային տնտեսությունում պրոտեկցիոնիզմի վերադարձ։ Հումքից մեր ռազմավարական կախվածությունն ավելի ու ավելի է օգտագործվում որպես քաղաքական լծակ մեր շահերի դեմ», - նշել է նա՝ նշելով, որ աշխարհաքաղաքական փոփոխությունները զգալիորեն ազդում են Գերմանիայի բարգավաճման վրա։ 

Մերցը կարծում է, որ բարեփոխումների իրականացման առաջընթացի բացակայությունը կաթվածահար է անում գերմանական ընկերությունների ներուժը։

«Նրանց համար ավելի ու ավելի դժվար է դառնում գոյատևել միջազգային մրցակցության պայմաններում», - ընդգծել է նա։

Նա նշել է, որ միաժամանակ փոխվում է ԱՄՆ-ի հետ հարաբերությունների բնույթը, որը վաղուց ի վեր անվտանգության հուսալի երաշխավոր է Եվրոպայի համար։

«Մեզ՝ եվրոպացիներիս համար սա նշանակում է, որ մենք պետք է մեր շահերը պաշտպանենք և պահպանենք ավելի ուժեղ՝ մեր սեփական ջանքերով», - ասել է Մերցը։

Հետևեք մեզ՝ այստեղ