Էլեկտրոնային ստորագրություն չունեցողներ, շտապե՛ք, աշխատանքային պայմանագիր չեք կարող կնքել. Սարգսյան
Ուշադրության կենտրոնումՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Աշխատանքային պայմանագրերն այսուհետ կնքվելու են միայն էլեկտրոնային տարբերակով։ Այդ մասին այսօր հրավիրված մամուլի ասուլիսի ընթացքում հայտարարել է Աշխատանքի և սոցիալական հարցերի նախարարության աշխատանքի և զբաղվածության բաժնի պետ Ժորա Սարգսյանը։
Պայմանագրերի նոր ֆորմատով կնքման համար արդեն իսկ ստեղծվել է էլեկտրոնային հարթակ, որում լինելու է Excel ձևաչափով ներմուծման հնարավորություն, ու համապատասխան կոճակի միջոցով Excel ձևաչափը ներբեռնվելու է, այնուհետև լրացվելու է ամբողջ տեղեկատվությունը աշխատանքային պայմանագրերի վերաբերյալ և ձևավորվելու է պայմանագիր՝ յուրաքանչյուր աշխատակցի մասով։
«Եթե գործատուն արդեն իսկ էլեկտրոնային համակարգում ստեղծել է պայմանագիր, կարող է մյուս աշխատողների մասով իր ստեղծած պայմանագրի հիման վրա փոփոխություններ կատարել։ Պայմանական, եթե ինքն արդեն իսկ աշխատանքի է ընդունել հաշվապահի, որի մասով ստեղծել է պայմանագիր, ևս մեկ հաշվապահ ընդունելու դեպքում, ստացվում է, որ գրեթե բոլոր դաշտերը միանման են լինելու, մնում է փոխել անունը-ազգանունը, վարձատրությունը, իսկ հիմնական կարևոր կետերն արդեն կլինեն: Աշխատանքի ընդունվածների վերաբերյալ ՊԵԿ-ում առկա տեղեկատվությունը համակարգն ինքնաշխատ եղանակով տեղափոխելու է պայմանագիր, և գործատուներին մնալու է միայն համեմատել, թե գրանցման հայտնի տեղեկատվությունը, որը տեղափոխվել պայմանագիր, որքանով է համապատասխանում իրականությանը»,- ներկայացրել է Ժորա Սարգսյանը։
Պայմանագրի կնքման համար քաղաքացիներն էլ իրենց անելիքն ունեն։ Այսպես, նրանք, ովքեր եկամուտների հայտարարագրում իրականացրել են, ունեն էլեկտրոնային ստորագրություն, աշխատանքային հարաբերությունների դաշտում նորից պետք է պայմանագիր ստորագրեն։
«Երկու տարբերակ կա, անձինք, որոնք նոր են ընդունվելու աշխատանքի և նրանք, որոնք ընդունված են աշխատանքի։ Արդեն իսկ աշխատանքի ընդունված քաղաքացիներն այս տարվա ընթացքում պետք է ինչ-որ մի օր՝ գործատուի կողմից մուտքագրելուց հետո, ստորագրեն իրենց պայմանագրերը։ Իսկ աշխատանքի ընդունվողների համար պետք է զրոյից ստեղծվի պայմանագիր, և իրենք պետք է ստորագրեն այն, որ համարվեն աշխատող։ Այդ դեպքում իրենք պետք է ստորագրեն պայմանագիրն աշխատանքի գնալու նախորդ օրը»,- ներկայացրել է Սարգսյանը։
Նշենք, որ այն քաղաքացիների համար, որոնք արդեն ունեն էլեկտրոնային ստորագրություն, ավելի հեշտ կլինի, իսկ նրանք, որոնք չունեն, պետք է օր առաջ դիմեն էլեկտրոնային ստորագրություն ձեռք բերելու համար։ Հակառակ դեպքում, էլեկտրոնային ստորագրություն չունենալը կարող է խոչընդոտել աշխատանքային պայմանագիր կնքելուն։
Նարե Գնունի
Հետևեք մեզ՝ այստեղ
1
2
3
4
5
1
2
3
4
1
2
3
4
5
