ՀՀ-ում ոչ միայն քաղաքական համակարգն է ժողովրդավար, այլև տնտեսական. Նիկոլ Փաշինյան

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Մենք 2018 թվականին ցույց ենք տվել, որ եթե քաղաքացին ուզենա հեղափոխություն անել՝ չկա որևէ ուժ, որ կարողանա կասեցնել: Եթե քաղաքացին վճռական դեր ունի կառավարություն ձևավորելու ու երկրի զարգացման ուղղությունները զարգացնելու գործում, ապա նա ունի վճռական դեր՝ իր անձնական բարեկեցությունն ապահովել, որը մեր համոզմամբ, պետք է տեղի ունենա աշխատանքի միջոցով: Այս մասին կառավարության 2026 թվականի առաջին նիստի ժամանակ ասել է ՀՀ վարչապետ Նիկոլ Փաշինյանը:

«Նախորդ տարի ԿԲ-ն շուկայից հավաքագրել է ավելի քան 2 միլիարդ դոլար: 2 միլիարդ դոլար Հայաստանի շուկայում լրացուցիչ միջոցներ են ի հայտ եկել, իսկ դա նշանակում է, որ դեպի ՀՀ կա որոշակի ֆինանսական և տնտեսական ներհոսք: Այս ամենը նշանակում է, որ մենք հիմա ունենք բոլորովին ուրիշ տնտեսություն ու ուրիշ երկիր, քան ունեինք 2018 թվականին: Մենք պետք է հստակ գծագրենք, թե այս ամենում որտեղ է կառավարության, և որտեղ այլ գործող անձանց դերը: Իմ կարծիքով՝ կառավարության դերն այն է, որ մենք վերացրել ենք տնտեսական գործունեության բոլոր հնարավոր սահմանափակումները, վերացրել ենք մենաշնորհներն ու արգելքները: Ահա սա է հիմնական պատճառը, որ ի հեճուկս բոլոր քաղաքական ու տարածաշրջանային վայրիվերումների, ՀՀ-ն ոչ միայն պահպանել է մակրոտնտեսական կայունությունը, այլև ապահովել է համախառն ներքին արդյունքի ավելին, քան 2 անգամ տնտեսական աճ: Այս ամենը, ուզում եմ հիշեցնել, արել ենք քովիդի պայմաններում»:

Անդրադառնալով տնտեսական աճին, Փաշինյանը նշեց, որ դրանք հիմնավորում են ՀՀ-ի ժողովրդավարական երկիր լինելը. «ՀՀ-ում ոչ միայն քաղաքական համակարգն է ժողովրդավար, այլև տնտեսական: Սա նշանակում է, որ կառավարությունը չի միջամտել այնտեղ, որտեղ չպետք է միջամտեր և միջամտել է այնտեղ, որտեղ պետք էր»:

Նիկոլ Փաշինյանը նշեց նաև, որ ՀՀ-ում ամեն ինչ որոշում է քաղաքացին. «Մեր այս դիրքորոշումը քննադատության է արժանանում, ասում են՝ թե կառավարությունը՝ իր ուսերից պատասխանատվությունը տեղափոխում է անհատի վրա: Սական մեզ համար բոլոր օղակներում որոշիչ դերը պատկանում է ՀՀ քաղաքացուն, հետևաբար՝ ի բնե պատասխանատվությունը մարդու վրա է»:

Հետևեք մեզ՝ այստեղ