Հայաստանն Ադրբեջանին տրամադրում է միջանցք, փոխարենը՝ Ադրբեջանը Հայաստանին թույլ է տալիս իր տարածքով ինչ-որ բան ներմուծել. Արթուր Խաչատրյան

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Վերջին 2-3 ամիսը, երբ Հայաստանն Ադրբեջանի միջոցով սկսեց ստանալ ցորեն ու բենզին՝ մասնակի տրանզիտի իրավունք է տրամադրվել Հայաստանին: Հայաստանը միայն ներմուծում է, ոչ մի բան չի արտահանում: Եկավ այն, ինչ ասում էին՝ Հայաստանը փաստորեն Ադրբեջանին տրամադրում է միջանցք, փոխարենը՝ Ադրբեջանը Հայաստանին թույլ է տալիս իր տարածքով ինչ որ մի բան ներմուծել: Այս մասին իր ճեպազրույցի ժամանակ ասել է ազգային ժողովի «Հայաստան» խմբակցության պատգամավոր Արթուր Խաչատրյանը:

«Այս փաստաթուղթը կարդալով՝ մեր մտահոգությունները ոչ միայն չեն փարատվել, այլ նաև ավելի են խորացել: Օգօստոսի 8-ին ստորագրված հայ-ադրբեջանական փաստաթուղթը, որը իշխանությունները ներկայացնում են որպես եռակողմ փաստաթուղթ՝ մենք դեռ այն ժամանակ ասացինք, որ բացվող ճանապարհով՝ Ադրբեջանը կապվում է Նախիջևանի հետ, բայց Հայաստանի ապաշրջափակման խնդիրը այս փաստաթղթով չի լուծվում: Եթե դուք նայեք, որևէ ակնարկ չկա, որ Հայաստանի ապաշրջափակումը վերացվում է: Կար հստակ որոշակիություն, որ Ադրբեջանը ստանում է անխոչընդոտ անցման իրավունք, իսկ Հայաստանը փոխարենը ստանում է անորոշ փոխադարձ առավելություններ»,- նշել է նա:

Խոսելով փաստաթղթի մասին՝ Արթուր Խաչատրյանը նշեց. «Նիկոլ Փաշինյանը՝ 2001 թվականի հայտնի հոդվածում ասում էր, որ միջանցք չտրամադրելը հայի չուզողության հետևանք է: Այս թուղթը հենց դրա մասին է խոսում: Հայաստանը ԹՐԻՓՓ-ից որոշակի գումար է ստանում: Եթե մենք ուզում ենք տարածաշրջանի բոլոր կապուղիների ապաշրջափակում, ապա ոչ միայն Ադրբեջանը պետք է Մեղրիի միջով Նախիջևանի հետ կապ ստանա, այլ նաև Հայաստանը Նախիջևանի միջով անխոչընդոտ անցում պետք է ստանա: Հայաստանի հյուսիսային ճանապարհը պետք է բացվի: Այստեղ դա չկա»:

Անդրադառնալով փաստաթղթի այլ խնդրի մասին՝ Արթուր Խաչատրյանը կարծիք հայտնեց, որ իր կարիծիքով, այս ամենը ինքնիշխանության նվազեցում են ենթադրում. «Մյուս խնդիրն այն է, որ եթե այս թուղթը այդքան շատ լավ թուղթ լիներ՝ ինչո՞ւ էր պետք ստիպել, որպեսզի հայկական կողմը գար, ստորագրեր: Գործելու է այլ իրավական ռեժիմ, որը Հայաստանի ինքնիշխանության սահմանափակում է ենթադրում: Նախնական փաստաթղթում օգտագործվում է անխոչընդոտ անցման իրավունք, հիմա դա ի՞նչ է իրենից ներկայացնում: Ակնհայտ է, որ Ադրբեջանցին ավելի մեղմ ընթացակարգերով է անցնելու, դա ըստ իս՝ ենթադրում է ինքնիշխանության նվազեցում: Փոխադարձություն մենք այստեղ չենք տեսնում, Ադրբեջանը ի՞նչ անցում է տալիս Հայաստանին: Հետևաբար, Հայաստանի նույնիսկ ներքին շրջափակման հարցը չի լուծվում այս փաստաթղթով»:

Հետևեք մեզ՝ այստեղ