Առաջիկայում կհայտնենք, թե ում հետ ենք պատրաստ կոալիցիա կազմել. Կարապետյան (Տեսանյութ)
Այս ընտրությունները շատ կարևոր և որոշիչ են լինելու։ Ընդդիմությունը պետք է ունենա պետականամետ մոտեցում, և ընդդիմադիր յուրաքանչյուր ուժ, եթե տեսնում է, որ իր խորհրդարան անցնելու հնարավորությունը փոքր է, պետք է չմտնի պրոցեսի մեջ և թույլ չտա, որ իր ձայները կորեն, լրագրողների հետ հանդիպմանն ասաց «Մեր ձևով» ժողովրդական շարժման համակարգող Նարեկ Կարապետյանը։
«Իմ կարծիքով, դա ամբողջ ընդդիմադիր դաշտի պայմանավորվածությունների ձևաչափը պետք է դառնա։ Հակառակ դեպքում, այդ ուժերը ակամայից կաջակցեն այսօր իշխանության վերարտադրությանը։ Իշխանության փոփոխությունը ընտրական պրոցեսով փոքր տոկոսների տարբերությամբ է տեղի ունենալու, և ընդդիմության կորցրած 3–4 տոկոսը առանցքային նշանակություն է ունենալու այս մեծ փոփոխության համար։ Այդ պատճառով մենք բոլորի հետ հանդիպման ժամանակ նշում ենք, որ եթե անցողիկ շեմը հաղթահարելու հնարավորությունը քիչ է, պետք է պետականամետ մոտեցումը գերակշռի սեփական ամբիցիաների հանդեպ»,-ասաց Կարապետյանը։
Ինչ վերաբերում է այլ ուժերի հետ կոալիցիա կազմելուն, Կարապետյանն ասաց, որ այս պահին տեսնում են մի ճանապարհ։
«Ժամանակի ընթացքում քաղաքական կուսակցությունը հանդես կգա վերջնական հայտարարությամբ և դիրքորոշումով»։
Նա ասաց, թե վարչապետի իրենց թեկնածուի հարցը վաղուց է որոշված, սակայն դրա մասին կհայտարարեն կուսակցության՝ փետրվարի 12-ի համագումարի ընթացքում։
Ավելի վաղ հայտնել էինք, որ «Մեր ձևով» շարժման անդամները գրանցել են կուսակցություն՝ «Ուժեղ Հայաստան» անվամբ։
1
2
3
4
5
1
2
3
4
5
1
2
5
