Իշխանափոխության հիմքում կարևոր է իրական ընդդիմադիր ուժերի համատեղ ջանքերի գործադրումը մի թիրախի ուղղությամբ. Տիգրան Աբրահամյան

Նիկոլ Փաշինյանի հեռացման հիմքում պետք է լինեն ոչ միայն առանձին քաղաքական ուժերի առաջնահերթությունները, այլ նաև ընդհանուր դաշտ իրական ընդդիմադիր ուժերի, որը հնարավորություն կտա համատեղ ջանքեր գործադրել մեկ ընդհանուր թիրախի ուղղությամբ գործելու ու իշխանափոխության գործընթացը առավել արդյունավետ դարձնելու համար: Այս մասին Եռաբլուրում, լրագրողների հետ զրույցում ասաց «Պատիվ ունեմ» խմբակցության քարտուղար Տիգրան Աբրահամյանը:

«Այստեղ կա խնդիր արդարացնելու մեր երկրում տեղի ունեցող ձախողումներն ու պարտությունների շղթան, մեր հայրենիքի մի հատվածի կորստին, ՀՀ տարբեր հատվածներում ադրբեջանական օկուպացիային ու հազարավոր զոհերի մասով իր պատասխանատվությունը նետելու ու հանրության ուշադրությունը այլ կողմ սևեռելու համար իշխանությունը փորձում է այս կամ այն կողմին մեղավորներ նշանակելով իր վրայից նետել պատասխանատվությունը: Մենք պարտավոր ենք մեր անվտանգությունն ապահովել սեփական ջանքերով»,- նշել է նա:

Անդրադառնալով առաջիկա ընտրական գործընթացներին՝ Աբրահամյանը նշեց, որ ընտրական պրոցեսները որևէ ձևով չի բացառում պաշտոնանկության գործընթացը.

«Դրա հաջողությունն ապահովելը կապված է որոշակի իրադրային զարգացումներից, որոնք այս պահին էլ հնարավոր է ստեղծվեն ու հնարավորություն տան պրոցեսն այդ ուղղությամբ տանելու»:

Խոսելով ընդդիմադիր դաշտի միանալու ու համատեղ ջանքեր ներդնելու մասին` Աբրահամյանը նշեց, որ իրենց համար դեռ քննարկումների արդյունքում պետք է պարզվի, թե ձևավորվող բևեռը ինչ շերտերով է կազմվելու:

Հարցին, թե արյոք Սերժ Սարգսյանի մասնակցությամբ հարցը քննարկվել է, Աբրահամյանը պատասխանեց, որ Սերժ Սարգսյանի դիրքորոշումը հստակ է ու փոփոխության չի ենթարկվել: