ՀՀ բոլոր տարբերակներով լինելու է, բայց ինչպիսինն է լինելու՝ կամ առանց Սյունիք, կամ առանց Հայ առաքելական եկեղեցի. Ռոբերտ Քոչարյան

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

ՀՀ բոլոր տարբերակներով լինելու է, բայց հարց է, Հայաստանի Հանրապետության բովանդակությունը ինչպիսի՞նն է լինելու: ՀՀ լինելու է կամ առանց Սյունիքի, կամ առանց Հայ առաքելական եկեղեցու: Այս մասին մամլո ասուլիսի ժամանակ ասել է ՀՀ երկրորդ նախագահ Ռոբերտ Քոչարյանը՝ հարցին, թե արդյոք այս ընտրությունները կամ Նիկոլ Փաշինյանի լինելու մասին են, կամ Հայաստանի Հանրապետության լինելու:

«Չի կարող լինել խաղաղություն՝ քո հակառակորդի քմահաճույքից կախված: Եթե նույնիսկ խաղաղությունը եկել է, ապա դա եկել է Ալիևի տրամադրությունից կախված: Մեր առաջարկը հետևյալն է՝ ամրապնդել լուրջ երաշխիքային համակարգ, սա է միակ ձևը, ուրիշ ձև ուղղակի չկա:

Չկա աշխարհում որևէ կոնֆլիկտ, որը առանց երաշխիքային համակարգի կայուն զինադադար ու խաղաղություն հաստատի: Ամեն տեղ կան երաշխավորներ, երաշխիքային համակարգ: Հիմնական ձգտողը երաշխիքներ ունենալու պետք է լինի թույլ կողմը, ուժեղ կողմին երաշխիքներ պետք չեն՝ ցանկանում է քո կախվածությունհը իրենից մնա մաքսիմալ բարձր, որ ինքը քեզ ինչ ուզի թելադրի, այսինքն այն, ինչ մենք հիմա տեսնում ենք:

Եթե Նիկոլ Փաշինյանը հաճույք է ստանում, որ իրեն ամեն քայլափոխի թելադրում են, ինքն էլ զիջում է, ապա գոնե մեր ժողովուրդը դրանից հաճույք պետք է չստանա: Հերթով բոլոր ուղղություններով զիջեց, ու սա վերջ չի ունենալու, ոչինչ չեն արել իրենց թուլությունը հաղթահարելու համար: Իրեն ձեռք է տալիս, որ մենք լինենք թույլ, պատերազմ սկսելու սպառնալիքն էլ միշտ ներկա լինի հասարակության մոտ»,- նշել է նա:

Հետևեք մեզ՝ այստեղ