Ինչո՞ւ ալկոհոլի ազդեցության տակ գտնվող անձանց թույլ չեն տվել մտնել «Արմենիա» ԲԿ․ մանրամասներ

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Երեկ՝ փետրվարի 2-ին, արտառոց դեպք էր տեղի ունեցել Երևանում։

Երևանի 1-03 շտապօգնության բժիշկների հերթապահ բրիգադները 2 բուժառուի՝ մեկին Մալաթիա-Սեբաստիա, մյուսին՝ Արաբկիր վարչական շրջաններից անգիտակից վիճակում տեղափոխել են «Արմենիա» բժշկական կենտրոն, որտեղ  40 րոպե հրաժարվել են բուժառուներին ընդունել, հաղորդել էր Shamshyan․com-ը։

MediaHub-ը կապ հաստատեց «Արմենիա» ԲԿ-ի փոխտնօրեն Աշոտ Կուրիղինյանի հետ, ով  մեզ հետ զրույցում նշեց՝  շտապօգնության մեքենան եկել է հիվանդանոց, բերել է հիվանդ, որը ընդհանրապես նույնիսկ առաջին օգնության կարիք չի ունեցել, որովհետև ընդամենը եղել է ալկոհոլի ազդեցության տակ։ 

«Տոքսիկոլոգները նայել են, ասել են, որ ինտոկսիկացիա նույնիսկ չկա։ Հիվանդը ոտքի վրա կանգնած, ադեկվատ խոսել է մեզ հետ, շփվել է, և այնտեղ պառկելու կամ պառկացնելու հիվանդ չի եղել։  Եթե կան ալկոհոլի ազդեցության տակ ախտանիշներ, որոնք բուժման ազդեցության կարիք ունեն, մենք պատասխանատու ձևով հայտարարում ենք, տոքսիկոլոգիայի ծառայություն ունենք, ընդունում ենք, բայց եթե մարդը չունի էդ խնդիրը, մենք ի՞նչ անենք»,- մեզ հետ զրույցում նշեց Կուրղինյանը։ 

Նշենք, որ թեմայի վերաբերյալ Առողջապահության մամուլի քարտուղար Մարիամ Ծատրյանը գրել է․ «Արմենիա» ՀԲԿ-ի բուժանաձնակազմին լավ ծանոթ այս տղամարդիկ մեկ անգամ չէ, որ ալկոհոլային ինտոկսիկացիայից դուրս գալու համար այս բուժկենտրոնում բուժօգնություն են ստացել. երբևէ հաշվի չի առնվել ո՛չ նրանց ազգային պատկանելությունը, ո՛չ վճարունակ լինել- չլինելը:

Սակայն, երեկ նույն այս տղամարդիկ բուժօգնության կարիք չեն ունեցել, հետևապես, բժիշկների արձանագրմամբ սուր թունավորումների և վերակենդանացման բաժանմունք կամ որևէ այլ բաժանմունք հոսպիտալացնելու ցուցում չի եղել:

Էմմա Մարտիրոսյան

Հետևեք մեզ՝ այստեղ