Sotheby’s աճուրդից Արշիլ Գորկի է ձեռք բերվել. Հայաստանի ազգային պատկերասրահի տնօրեն
Մշակույթ
«Մինչեւ 2009թ գործել է պետական ֆինանսավորմամբ համալրման, ձեռքբերման պետական ծրագիրը: 2023-ից նորից գործում է այն, եւ պետական համալրումների ձեռքբերման ծրագրով մենք ձեռք ենք բերել Արշիլ Գորկի՝ մշակույթի զարգացման հիմնադրամի միջոցով Sotheby’s աճուրդից»,-ասուլիսում հայտնեց Հայաստանի ազգային պատկերասրահի տնօրեն Մարինա Հակոբյանը:
«Բավական բարդ պրոցես է, իհարկե, բայց հիմնադրամի միջոցով հնարավոր եղավ Sotheby’s աճուրդից ձեռք բերել աշխատանք: Կարծում եմ փետրվարին Արշիլ Գորկին կլինի Հայաստանում, մենք կկարողանանք շատ հետաքրքիր ցուցադրություն կազմակերպել եւ բոլորիդ հրավիրել…Աճուրդային արժեքը եղել է 70000 եվրո, անանուն է, գրաֆիկական թերթ է»,-մանրամասնեց Հայաստանի ազգային պատկերասրահի տնօրենը՝ պատասխանելով լրագրողների՝ այդ թեմայով հարցերին:
Հիշեցնենք, որ անցյալ տարվա ապրիլին Հայաստանի ազգային պատկերասրահում ներկայացվել էր Արշիլ Գորկու մեկ այլ աշխատանք՝ «Կժերով կինը» գծանկարը, որը 1974 թ. Չիկագոյում բանաստեղծ Վահագն Դավթյանի միջոցով պատկերասրահին էր փոխանցել Արշիլ Գորկու կրտսեր քույրը՝ Վարդուհի Մուրադյանը:
1
2
3
4
5
1
2
3
4
5
1
2
5
