Պուտինն ու Ալիևը Բաքվում կքննարկեն ԼՂ հիմնահարցը
Header
Ռուսաստանի Դաշնության նախագահ Վլադիմիր Պուտինն Ադրբեջանի իր գործընկերոջ` Իլհամ Ալիևի հետ Բաքվում կքննարկի Լեռնային Ղարաբաղի հիմնահարցը: Ինչպես հաղորդում է ռուսական РБК- ն, այս մասին հայտնել է ՌԴ նախագահի օգնական Յուրի Ուշակովը:
Նա տեղեկացրել է, որ Պուտինը հունիսի 12-13-ը կլինի Բաքվում` մասնակցելու առաջին Եվրոպական խաղերի բացման արարողությանը: «Նախագահը կմեկնի Բաքու Կրեմլում Ռուսաստանի օրվան նվիրված տոնական միջոցառումներից անմիջապես հետո»,- ասել է Ուշակովը:
Նա հայտնել է նաև, որ Բաքվում նախատեսվում է Պուտինի հանդիպումը Թուրքիայի նախագահ Ռեջեփ Թայիփ Էրդողանի, ինչպես նաև Միջազգային օլիմպիական կոմիտեի նախագահ Թոմաս Բախի հետ:
Առաջին Եվրոպական խաղերը կանցկացվեն Բաքվում 2015 թվականի հունիսի 12-28-ը։ Հայաստանն այդ խաղերում ներկայացված կլինի 6 մարզաձևով` բռնցքամարտ, ըմբշամարտ, սամբո, ձյուդո, թաեքվոնդո, հրաձգություն, և կունենա 25 մարզիկ:
1
2
3
4
5
1
2
3
4
1
2
