ՉԼ. «Ինտերը» հավաքում է ճամպրուկները. «Բուդյո-Գլիմտին» հաղթեց նաև պատասխան խաղում՝ առաջին անգամ դուրս գալով 1/8 եզրափակիչ
ՍպորտՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Չեմպիոնների լիգայի 2025/26 թթ. խաղարկության անցումային փլեյ-օֆֆի պատասխան խաղում Միլանի «Ինտերը» սեփական հարկի տակ ևս պարտվեց «Բուդյո-Գլիմտին» (1-2):
Չնայած միլանյան ակումբը համարվում էր հանդիպման բացահայտ ֆավորիտը, հյուրերը կարողացան դիմակայել առաջին խաղակեսում և ընդմիջման գնալ 0-0 հաշվով։ Հանդիպման հաշիվը 58-րդ րոպեին բացեց հյուրերի հարձակվող Յենս Հաուգեն՝ օգտվելով տանտերերի պաշտպան Ականջիի կոպիտ սխալից։ 72-րդ րոպեին նորվեգացիները կրկնապատկեցին իրենց առավելությունը. Հակոն Էվյենը դարձավ գոլի հեղինակ՝ հաշիվը դարձնելով 0-2։
«Ինտերը» կարողացավ միայն կրճատել հաշվի տարբերությունը 77-րդ րոպեին, երբ Ալեսանդրո Բաստոնին, Անժե Բոնիի փոխանցումից հետո, դիպուկ հարվածով գրավեց մրցակցի դարպասը՝ ձևակերպելով վերջնական հաշիվը՝ 1-2:
Հայաստանի ազգային հավաքականի նախկին ավագ Հենրիխ Մխիթարյանը հայտավորված էր խաղին, սակայն խաղաժամանակ չստացավ։
Նորվեգական ակումբն իր պատմության մեջ առաջին անգամ դուրս եկավ Չեմպիոնների լիգայի խաղարկության 1/8 եզրափակիչ, որտեղ նրա հավանական մրցակիցները կլինեն Լիսաբոնի «Սպորտինգը» կամ «Մանչեսթեր Սիթին»։
Հետևեք մեզ՝ այստեղ
1
2
3
4
5
1
2
3
5
1
2
3
4
5
