Իրանը միջnւկային զենքից հրաժարվելու խոստում չի տվել. Թրամփ
ՄիջազգայինՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Վաշինգտոնը Թեհրանից դեռևս չի ստացել խոստում՝ երբեք միջուկային զենք չմշակելու վերաբերյալ, հայտարարել է ԱՄՆ նախագահ Դոնալդ Թրամփը, հայտնում է ՌԻԱ նովոստի-ն:
«Նրանք ցանկանում են գործարք կնքել, բայց մենք չենք լսել նվիրական բառերն այն մասին, որ նրանք երբեք միջուկային զենք չեն ունենա»,- ասել է նա Կոնգրեսին ուղղված երկրի վիճակի մասին իր ուղերձի ժամանակ:
Ամերիկյան առաջնորդը հավելել է, որ կցանկանար դիվանագիտական համաձայնության հասնել Իրանի հետ:
Միևնույն ժամանակ, Սպիտակ տան ղեկավարի խոսքով, Թեհրանն արդեն ստեղծել է հրթիռներ, որոնք ընդունակ են հասնել Եվրոպա, և իբր աշխատում է այնպիսիների վրա, որոնք կհասնեն ԱՄՆ:
Հիշեցնենք, որ Թրամփը հայտարարել էր, որ թույլատրելի է համարում Իրանին սահմանափակ հարված հասցնելը: Ըստ The Wall Street Journal թերթի տվյալների՝ նախ ամերիկացիները կարող են գնդակոծել ռազմական կամ կառավարական օբյեկտները: Եթե դրանից հետո Թեհրանը չհրաժարվի ուրանի հարստացումից, ապա Միացյալ Նահանգները լայնամասշտաբ արշավ կսկսեն պետական օբյեկտների դեմ:
Հետևեք մեզ՝ այստեղ
1
2
3
4
5
1
2
3
1
2
