Մեր տան նոր անդամը… Սիլվա Հակոբյանը ընտանեկան հուզիչ հոլովակ է հրապարակել

Սիլվա Հակոբյանն ու ամուսինը՝ Նորայրը, իրականացրել են իրենց դուստրերի վաղեմի երազանքը։ Համացանցում հրապարակված հուզիչ տեսանյութում Միլան ու Սառան բացում են «խորհրդավոր տուփն» ու ծանոթանում ընտանիքի նոր անդամի հետ։
Երեխաների բերկրանքն ու փայլող աչքերը վարակիչ են։ Փոքրիկ Սառան արդեն հասցրել է անվանակոչել նապաստակին՝ Բամբի:
«Մենք արդեն ընտանիքի նոր անդամ ունենք»,- հպարտությամբ նշում է Միլան։

Հայկական էստրադայի ամենասիրված երգչուհիներից մեկը՝ Սիլվա Հակոբյանը, երկարատև դադարից հետո հյուրընկալվել է Մհեր Բաղդասարյանի հեղինակային «Tete A Tete» հաղորդմանը: Զրույցի ընթացքում երգչուհին պարզաբանել է, թե ինչու է վերջին շրջանում պասիվ եղել մեդիադաշտում և ինչն է իրեն ստիպել խուսափել հանրային խոսքից:
Հաղորդավարի հարցին, թե ինչով է պայմանավորված իր լռությունը՝ ընտանեկան հոգսերո՞վ, թե՞ ժամանակակից մեդիայի թելադրած պայմաններով, Սիլվա Հակոբյանը պատասխանել է անկեղծ ու ինքնատիպ.

«Ուղղակի 35 տարեկան եմ, բայց 45 տարվա կենսագրությունս արդեն գիտեն: Խնդիրն այն էր, որ մի փոքր պասիվ էի. երևի, ամեն դեպքում, մայրությունն իրենն անում էր»,- նշել է երգչուհին:

Սիլվան խոստովանել է, որ հարցազրույցներից խուսափելու հիմնական պատճառն այն է, որ ստեղծագործական կյանքում մեծ նորություններ չի ունեցել: Ըստ նրա՝ ինքը միշտ նախընտրել է խոսել աշխատանքից, իսկ երբ ասելիքը քիչ է լինում, գերադասում է մնալ ստվերում:
«Քանի որ նորություններ շատ չունեի, խուսափում էի: Իրականում հիմա էլ եմ խուսափում, սա եզակի դեպք է»,- կատակել է երգչուհին՝ շնորհակալություն հայտնելով Մհերին իրեն հրավիրելու և համոզելու համար:
Հաղորդման ընթացքում ներկայացվեց նաև երգչուհու անցած ուղին: 2006 թվականին, երբ ռադիոյով հնչեց նրա հանրահայտ «Գիշեր է» երգը, քչերը գիտեին, թե ով է այդ հուզական ձայնի տերը: Վայոց Ձորի մարզից եկած համեստ աղջիկը կարճ ժամանակում դարձավ հայկական շոու-բիզնեսի գլխավոր դեմքերից մեկը:
Հատկանշական է, որ Սիլվան բեմում է 7 տարեկանից: Նրա կարիերայի գագաթնակետը եղավ BBC-ի կազմակերպած «The Next Big Thing» մրցույթը, որտեղ նա ավելի քան 2000 մասնակիցների մեջ ճանաչվեց աշխարհի լավագույն երիտասարդ երգչուհի: