Իսպանիայի և Արգենտինայի հավաքականների միջև կայանալիք հանդիպումը լավագույն տարբերակը կլինի Կատարից այլ վայր տեղափոխել. Լուիս դե լա Ֆուենտե

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Եվրոպայի 2024 թվականի չեմպիոն Իսպանիայի և Ամերիկայի գավաթակիր Արգենտինայի հավաքականների միջև կայանալիք հանդիպումը լավագույն տարբերակը կլինի Կատարից այլ վայր տեղափոխել։ Այս մասին հայտարարել է Իսպանիայի ազգային հավաքականի գլխավոր մարզիչ Լուիս դե լա Ֆուենտեն։

Ֆինալիսիմա-2026-ը նախատեսված է անցկացնել մարտի 27-ին՝ Կատարի «Լուսայիլ» մարզադաշտում։ Սակայն Կատարի օդային տարածքը փակվել է այն բանից հետո, երբ Իրանի ռազմատիեզերական ուժերը հրթիռային հարվածներ են հասցրել այնտեղ գտնվող ավիաբազաներին: Բացի այդ, շաբաթ օրն Իսրայելի և ԱՄՆ-ի զինված ուժերը հարվածներ են հասցրել Իրանի տարածքին՝ հայտարարելով ռազմական գործողությունների մեկնարկի մասին։

Ստեղծված աշխարհաքաղաքական բարդ իրավիճակում Իսպանիայի ընտրանու գլխավոր մարզիչն իր մտահոգությունն է հայտնել.

«Մենք գիտենք, որ բանակցություններ են ընթանում։ Հասարակության համար առաջնահերթ խնդիրը հակամարտությունը կանգնեցնելն է, բայց քանի դեռ մենք ներքաշված ենք դրա մեջ և հստակ չգիտենք, թե որքան այն կտևի, առայժմ չենք կարող այնտեղ խաղալ։ Լավագույն լուծումը կլինի, եթե հնարավոր է, հանդիպման անցկացման համար այլ վայր փնտրելը»,- դե լա Ֆուենտեի խոսքերն է մեջբերում Mundo Deportivo-ն՝ հղում անելով Radio Nacional-ին:

Հետևեք մեզ՝ այստեղ