Պայթյուն-փլուզում՝ Ջրվեժում, վիրավnր կա, վնաuվել են մեքենաներ

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Այսօր՝ մարտի 5-ին, պայթյուն և փլուզում է տեղի ունեցել Երևանում։ Ժամը 07:30-ի սահմաններում ՀՀ Ներքին գործերի նախարարության 112 օպերատիվ կառավարման կենտրոն ահազանգ է ստացվել, որ Ջրվեժում՝ Մայակ թաղամասի 35/1 հասցեում գտնվող ավտոտնակներից մեկում պայթյուն-փլուզում է տեղի ունեցել և կա տուժած։ 

Ինչպես դեպքի վայրից հայտնում է ֆոտոլրագրող Գագիկ Շամշյանը, ժամանել են Երևանի հրշեջ-փրկարարական ջոկատից 1 մարտական հաշվարկ՝ Երևանի փրկարարական վարչության պետ Գևորգ Գալստյանի, Երևանի փրկարարական վարչության պետի տեղակալ Զավեն Մելքոնյանի և Երևանի թիվ 9-րդ հրշեջ-փրկարարական ջոկատի հրամանատար Արտյոմ Բաբայանի գլխավորությամբ։

Տեղում պարզվել է, որ մեկ հոգի, ում առաջինը օգնության են հասել քաղաքացիները և ըստ քաղաքացիների հայտնածի՝ օպերատիվորեն ժամանած Երևանի 103 շտապօգնության բժիշկների հերթապահ խումբը, տեղափոխվել է «Սուրբ Գրիգոր Լուսավորիչ» բժշկական կենտրոն, որտեղ անհրաժեշտ բուժօգնություն ստանալուց հետո ռեանիմոբիլով տեղափոխել են Երևանի Այրվածքաբանության ազգային կենտրոն։

Ֆոտոլրագրողը հայտնում է, որ պայթյուն-փլուզման հետևանքով վնասվել են ավտոտնակի հարևանությամբ գտնվող մեկ այլ ավտոտնակում կայանված «Mercedes» մակնիշի և դրսում կայանված «BMW X5», «Jeep», «Mercedes», «Nissan», 2 «Kia» մակնիշի ավտոմեքենաներ, ինչպես նաև հարևանությամբ գտնվող բարձրահարկ շենքերի բնակարանների մի քանի պատուհանների ապակիներ։

Տեղում պարզվել է, որ պայթյունի վայրը գազաֆիկացված չէ։

Ըստ նախնական տեղեկությունների՝ պայթյունը հնարավոր է առաջացած լինի ավտոմեքենայի գազաբալոնից կամ կենցաղային հոգսերի համար օգտագործվող գազաբալոնից։ Ֆոտոլրագրողի տեղեկություններով՝ հիվանդանոց տեղափոխվածը Երևանի բնակիչ 47-ամյա Թորոս Տ.-ն է։

Հետևեք մեզ՝ այստեղ