Երևանում փողոցներ կանվանափոխվեն․ ո՞ւմ անունով կլինեն դրանք
ՀասարակությունՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Երևանի Աջափնյակ վարչական շրջանի Սիլիկյան 8-րդ փողոցը (սկսվում է Սիլիկյան 2-րդ փողոցից և հասնում Սիլիկյան 7-րդ փողոց) կկրի կոմպոզիտոր, քանոնահար, ՀԽՍՀ ժողովրդական արտիստ Խաչատուր Ավետիսյանի անունը։Այս մասին Երևանի ավագանու այսօրվա նիստի ժամանակ հայտնել է Երևանի քաղաքապետ Տիգրան Ավինյանը։
Նշենք, որ փողոցն անվանակոչելու հարցը օրակարգ էր բերել Երևանի ավագանու «Քաղաքացիական պայմանագիր» խմբակցության անդամ Քրիստինե Վարդանյանը։
Հավելենք նաև, որ ավագանու նիստի օրակարգում ընդգրկված մեկ այլ հարցով առաջարկվում էր անվանափոխել Կենտրոն վարչական շրջանով անցնող Հրազդանի կիրճ փողոցը (սկսվում է Աթենքի փողոցից՝ Հրազդան մարզադաշտի հարևանությամբ և հասնում Հալաբյան փողոց)՝ այն կոչելով լեգենդար խորհրդային ֆուտբոլիստ և մարզիչ, օլիմպիական չեմպիոն, «Արարատ-73»-ի գլխավոր մարզիչ Նիկիտա Սիմոնյանի անունով՝ «քաղաք Երևան, Նիկիտա Սիմոնյան փողոց»։
Ավելի վաղ «Փաստինֆո»-ն հայտնել էր նաև, որ հարցը օրակարգ էր բերել ավագանու «Մայր Հայաստան» խմբակցության ղեկավար Մանուկ Սուքիասյանը։
Չնայած մամուլում տարածված տեղեկություններին, թե Հայաստանի ֆուտբոլի ֆեդերացիան դեմ է Սիմոնյանի անվամբ փողոց անվանակոչելուն, ավագանու այսօրվա նիստում այդ առաջարկը ևս ընդունվեց, և Երևանում կլինի նաև Նիկիտա Սիմոնյանի անունը կրող փողոց։
Հետևեք մեզ՝ այստեղ
1
2
3
4
5
1
3
4
5
1
2
