Իշխանության առաջատար մրցակիցը 9 ամիս է՝ գտնվում է կալանքի տակ, իշխանությունը փաստացի պայքարում է նրա նկարի դեմ. Նարեկ Կարապետյան
Քաղաքականություն
Հայաստանն այս ընտրական պրոցեսներից առաջ հետաքրքիր իրավիճակում է, իշխանության հիմնական, առաջատար մրցակիցը 9 ամիս է՝ գտնվում է կալանքի տակ, փաստացի իշխանությունը պայքարում է նրա նկարի դեմ միայն: Այս մասին ասել է «Ուժեղ Հայաստան» կուսակցության խորհրդի անդամ Նարեկ Կարապետյանը:
«Իշխանության հիմնական մրցակիցը, ումից իրենք փաստացի վախենում են, սահմանափակված է խոսքով ու ժողովրդի հետ շփման հնարավորությամբ: Բայց, անգամ դրանից հետո՝ հարցումները ցույց են տալիս, որ մեր հասարակությունը աջակցում է Սամվել Կարապետյանին ու նրա ուժին:
Նրանք՝ պայքարելով Սամվել Կարապետյանի նկարի դեմ, փաստորեն նկարից էլ են պարտվում: Սամվել Կարապետյանի խոսքի ազատությունը սահմանափակված է, մենք Քննչական կոմիտե նամակներ ենք գրել, դրական պատասխան ու հաստատում չենք ստացել, հարցրել ենք՝ իրավունք կա՞, որպեսզի Կարապետյանը իր դեմքով հանդես գա հայտարարությամբ, ստացվել է պատասխան, որ իրավասու չեն դատարանի վճիռը մեկնաբանելու»,- նշել է նա:
Նշենք, որ այս պահին հարյուրավոր քաղաքացիներ հավաքվել են Հակակոռուպցիոն դատարանի մոտ, որտեղ րոպեներ անց կմեկնարկի «Ուժեղ Հայաստան» կուսակցության առաջնորդ Սամվել Կարապետյանի տնային կալանքի փոփոխության հարցով դատական նիստը։
1
2
3
4
5
2
3
4
5
1
2
3
4
5
