3 արցախցի այցելել է Կոռնիձոր, լուսանկարվել Արցախի ֆոնին, վերադարձի ճանապարհին ԱԱԾ ծառայողների կողմից կանգնեցվել են ու տեղափոխվել ոստիկանական բաժանմունք. Ռոման Երիցյան
ՀասարակությունՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Երեք արցախցի լուսանկարվել է Հակարիի կամրջի և Արցախի ֆոնին, վերադարձի ճանապարհին ԱԱԾ ծառայողների կողմից կանգնեցվել են ու տեղափոխվել ոստիկանական բաժանմունք: Այս մասին ասել է փաստաբան Ռոման Երիցյանը:
«Արցախցի կնոջ հետ երեկի մետրոյում տեղի ունեցած միջադեպի և իմ կողմից վերջերս լուսաբանված մի քանի այլ իրադարձությունների համատեքստում մի դեպքի մասին եմ ցանկանում բոլորին պատմել, որին մի քանի օր առաջ ընկերներս առնչվել են Կոռնիձոր համայնքում:
3 արցախցիներ, ովքեր շինարարական աշխատանքներով են զբաղված Տեղ և Գորիս համայնքներում՝ այցելել են Կոռնիձոր համայնք ու լուսանկարվել Արցախի ու Հակարիի կամրջի ֆոնին: Պատճառը՝ կարոտը քաղելն է եղել, մի քանի լուսանկար ու տեսագրություն են կատարել, վերադարձին՝ արդեն ճանապարհին, նրանց կանգնեցրել են ԱԱԾ ծառայողները, փաստացի զրկել ազատությունից, առգրավել հեռախոսները ու զրկել փաստաբանի հետ կապ հաստատելու հնարավորությունից: Մոտ 1-2 ժամ հետո նրանք տեղափոխվել են ոստիկանության բաժին՝ վարչական պատասխանատվության ենթարկվելու նպատակով: Նախատեսվում էր, որ նրանք պետք է ենթարկվեին վարչական պատասխանատվության՝ դրամական տուգանքի տեսքով, այնուամենայնիվ, բավարարվեցին նախազգուշացմամբ, նրանց հեռախոսները փաստացի՝ առանց դատարանի որոշման, խուզարկության ենթարկվեցին:
Ոստիկանության բաժնում ոստիկանության բարձրաստիճան պաշտոնյաներից մեկը արցախցիներից հետաքրքրվել է լուսանկարների ու տեսագրությունների կատարման պատճառով, տղաները պատասխանել են, որ այդ եղանակով իրենց կարոտն են քաղել առանց այլ նպատակի: Ի պատասխան՝ ոստիկանության բարձրաստիճան պաշտոնյան ասել է՝ դե եթե կարոտ էիք քաղում, հենա գնացեք հանձնվեք, ու այդ եղանակով ձեր տուն վերադարձեք ու կարոտը քաղեք: Հիմա ես ոստիկանության փոխգնդապետին հրապարակային մի խոստում եմ ցանկանում տալ՝ դու վաղ թե ուշ պատասխանատվության ես ենթարկվելու այդ խտրականության, ստորության, ատելության ու արտահայտություններիդ համար»,- նշել է նա:
Հետևեք մեզ՝ այստեղ
1
2
3
4
5
1
2
3
4
1
2
