Փաշինյանի հետ միջադեպից հետո եկեղեցուց ձերբակալված տղաներից երկուսը երկվորյակ եղբայրներ են, սովորում են դպրոցում

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին                     

Նիկոլ Փաշինյանի հետ միջադեպից հետո Սուրբ Աննա եկեղեցու բակից ձերբակալված երեք անձանցից երկուսը երկվորյակ եղբայրներ են (Դավիթ եւ Միքայել Մինասյաններ) որոնք դեռ դպրոցական են, սովորում են 12-րդ դասարանում։ Փաստաբան Լուսինե Մարտիրոսյանը հայտնեց, որ նրանք այժմ քննչական բաժնում են, մեղադրանք դեռ չի ներկայացվել, ունեն ձերբակալվածի կարգավիճակ։

Հիշեցնենք, որ Սուրբ Աննա եկեղեցում այսօր Փաշինյանի մասնակցությամբ միջադեպ է եղել, Փաշինյանի թիկնապահները նախ երիտասարդին քաշելով ճանապարհ են բացել, իսկ երբ երիտասարդը նշել է, որ ցանկացել է իր տեղում կանգնած մնալ՝ վեճ է եղել։ Ավելի ուշ ոստիկանները ուժի կիրառմամբ եկեղեցուց բերման ենթարկեցին երիտասարդներին։

Ձերբակալվածներն են Դավիթ ու Միքայել Մինասյանները, ովքեր սովորում են դպրոցում, ու Գևորգ Գևորգյանը։

ՔԿ-ից  «Փաստինֆո»-ի հետ զրույցում նշեցին, որ Երևանի Սուրբ Աննա եկեղեցում տեղի ունեցած միջադեպի առթիվ նախաձեռնվել է քրեական վարույթ՝ Քրեական օրենսգրքի 297-րդ հոդվածի 1-ին մասով (խուլիգանությունը) և 452-րդ հոդվածի 3-րդ մասով (պաշտոնատար անձի օրինական ծառայողական կամ քաղաքական գործունեությանը միջամտելը)։

Նշենք, որ բերման ենթարկվելուց հետո փաստաբաններին տևական ժամանակ թույլ չէին տալիս մոտենալ իրենց վստահորդներին։

Փաստաբան Ռուբեն Մելիքյանը ֆեյսբուքյան ուղիղ եթերով անդրադարձել էր դեպքին՝ մտահոգություն հայտնելով, որ տղաների վրա փորձում են 452-րդ հոդվածը կարել։

Հետևեք մեզ՝ այստեղ