Արաղչին Ֆիդանի հետ հեռախոսազրույցում հերքել է Թուրքիայի ուղղությամբ hրթիռներ արձակելու մասին լուրերը
ՔաղաքականությունՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Իրանի ԱԳ նախարար Աբբաս Արաղչին իր թուրք գործընկեր Հաքան Ֆիդանի հետ հեռախոսազրույցում հերքել է իբր իրանական հրթիռների արձակումը Թուրքիայի ուղղությամբ։ Այս մասին հայտնում է ՏԱՍՍ-ը:
Ինչպես նշվում է Իրանի արտաքին գործերի նախարարության հայտարարության մեջ, Արաղչին լիովին անհիմն է անվանել որոշ աղբյուրների հաղորդումները Իրանից Թուրքիայի ուղղությամբ հրթիռների արձակման մասին և զգուշացրել է տարածաշրջանում խաղաղության ու բարեկամության թշնամիների կողմից «կեղծ դրոշի ներքո» գործողությունների կրկնության մասին։
Արաղչին նշել է, որ Թեհրանը պատրաստ է Անկարայի հետ համատեղ հետաքննություն անցկացնել Թուրքիայի ուղղությամբ հրթիռների հնարավոր արձակման վերաբերյալ։
«Իրանի Իսլամական Հանրապետությունը հավատարիմ է բարիդրացիության սկզբունքին, Թուրքիայի ինքնիշխանության ու տարածքային ամբողջականության հարգմանը և պատրաստ է համատեղ տեխնիկական համագործակցության՝ ցանկացած հնարավոր հավակնություն ստուգելու համար»,- ասել է դիվանագետը։
Իրանի ԱԳ նախարարը կոչ է արել բոլոր երկրներին դատապարտել ագրեսորների հանցագործությունները, հատկապես հարձակումները Իրանի դպրոցների, համալսարանների, գիտական կենտրոնների, պատմամշակութային օբյեկտների, արտադրական և էներգետիկ ենթակառուցվածքների, ինչպես նաև բնակելի տարածքների վրա։
Իր հերթին Ֆիդանը, խոսելով Իսլամաբադում Թուրքիայի, Պակիստանի, Սաուդյան Արաբիայի և Եգիպտոսի ԱԳ նախարարների վերջերս կայացած հանդիպման մասին, հայտարարել է տարածաշրջանի երկրների աջակցությունը պատերազմի դադարեցմանը, խաղաղության և կայունության հաստատմանը։
Հիշեցնենք, որ մարտի 30-ին Թուրքիայի պաշտպանության նախարարությունը հայտնել էր, որ ՆԱՏՕ-ի ուժերը որսացել են հանրապետության օդային տարածք ներխուժած բալիստիկ հրթիռ, որն իբր արձակվել էր Իրանից։
Հետևեք մեզ՝ այստեղ
1
2
3
4
5
4
3
