ՌԴ-ն պատրաստ է Հայաստանի հետ փոխգործակցել հիբրիդային ու կիբերuպառնալիքների դեմ պայքարում. Զախարովա
ՔաղաքականությունՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Ռուսաստանն ունի հնարավորությունների լայն զինանոց և պատրաստ է Հայաստանի հետ փոխգործակցել հիբրիդային ու կիբերսպառնալիքների դեմ պայքարում, եթե հայկական կողմից լինի համապատասխան շահագրգռվածություն։ Այս մասին ամենշաբաթյա ճեպազրույցի ժամանակ հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։
«Եթե կա շահագրգռվածություն և կարիք, ապա մենք պատրաստ ենք արձագանքել։ Մեր հնարավորությունների մասով՝ պետք է հասկանալ, թե կոնկրետ որ ոլորտն է հետաքրքրում՝ տեղեկատվության պաշտպանությունը, պայքարը կիբերխարդախների դեմ, թե՞ փոխգործակցությունը միջազգային հարթակներում։ Մենք պատրաստ ենք տրամադրել ոչ միայն փորձագիտական կարծիք, այլև իրականացնել փոխգործակցություն մի շարք ուղղություններով»,- պարզաբանել է նա։
Զախարովան հիշեցրել է, որ ՌԴ ԱԳՆ-ում գործում է Միջազգային տեղեկատվական անվտանգության դեպարտամենտը, բացի այդ, կան մի շարք այլ գերատեսչություններ, որոնց հիմնական գործունեությունը կիբերսպառնալիքների դեմ հակազդումն է։
«Եթե հայ գործընկերների կողմից կա շահագրգռվածություն, մենք միշտ բաց ենք երկխոսության համար՝ կամ արտաքին քաղաքական գերատեսչությունների գծով, կամ համապատասխան մասնագետների ներգրավմամբ այն ոլորտից, որը գործընկերներին ու ընկերներին առավել հետաքրքիր կլինի», - հավելել է պաշտոնական ներկայացուցիչը։
Ինչ վերաբերում է Մոսկվայում ընթացող բարձր մակարդակի բանակցություններին, Զախարովան նշել է, որ դրանց օրակարգն ու արդյունքները պաշտոնապես կմեկնաբանվեն նախագահի աշխատակազմի կողմից՝ հավելելով, որ բոլոր անհրաժեշտ պարզաբանումները կտրվեն համապատասխան խողովակներով։
Հետևեք մեզ՝ այստեղ
1
2
3
4
5
2
3
4
5
1
2
3
4
5
