Տարածաշրջանում Թուրքիան ստանձնել է կոնֆլիկտածին դերակատարություն. Լևոն Հովսեփյան
Քաղաքականություն
Տարածաշրջանում Թուրքիան ստանձնել է կոնֆլիկտածին դերակատարություն:
«Արմենպրես»-ի մամուլի սրահում հրավիրված ասուլիսին նման կարծիք հայտնեցթուրքագետ Լևոն Հովսեփյանը: Նա, անդրադառնալով ղարաբաղյան զարգացումերի առնչությամբ թուրքական իշխանությունների հայտարարություններին, նշեց, որ Թուրքիան ակնհայտ հրահրում էր Ադրբեջանին:
«Թուրքիայից ամենաբարձր մակարդակով շտապ արձագանքներ եղան և ակնհայտ երևաց, որ պաշտոնական Անկարան անվերապահորեն խրախուսում էր Ադրբեջանի գործողությունները, թև ու թիկունք տալիս: Դա Ադրբեջանին ուղղված ուղերձ էր, և, կարելի է ասել, Ադրբեջանի ագրեսիվությունը պայմանավորված է նաև Անկարայի քաղաքական աջակցությամբ: Ակնհայտ է, այստեղ Անկարան գործում է Ադրբեջանի շահերից»,-ասաց Լևոն Հովսեփյանը: Նրա խոսքով, առաջիկայում բանակցային գործընթացի հետ կապված տեղեկատվական, դիվանագիտական դաշտում, միջազգային կառույցներում Անկարան շարունակելու է Հ այաստանի դեմ իր քաղաքական ուղեգիծը: Այս առումով, ըստ թուրքագետի, Անկարայի դիրքորոշումը էականորեն հրահրող է:
«Այստեղ կա անհամատեղելիություն այն դերակատարության հետ, որն ունի Թուրքիան, որպես Մինսկի խմբի անդամ երկիր: Այս առումով պետք է խնդիր բարձրացվի և միջազգային կառույցներում դրվի այն հարցադրումը, թե ինչպես է հնարավոր, որ հիմնախնդրի խաղաղ կարգավորմանը միտված ձևաչափում ներգրավված պետությունը հանդես է գալիս ռասիստական, Ադրբեջանին հրահրող հայտարարություններով: Թուրքիան տարածաշրջանում ստանձնել է կոնֆլիկտածին դերակատարություն»,-ասաց Լևոն Հովսեփյանը:
Անդրադառնալով ղարաբաղյան իրադարձությունների մասին թուրքական տեղեկատվական դաշտում տեղ գտած հրապարակումերին` թուրքագետը նշեց, որ սկզբում թուրքական մամուլը շրջանառում էր միայն ադրբեջանական պաշտոնական տեղեկատվությունը, ուրիշ ոչինչ: Դրանից հետո սկսվեցին տեղեկատվական գրոհները:
«Օրինակ, շրջանառվեց Նախիջևանի թեման, այնհետև գրվեց, թե իբր Քրդստանի բանվորական կուսակցության զինյալները տեղափոխվել են Հայաստան և կռվում են Ադրբեջանի դեմ: Ինչ վերաբերում է փորձագիտական դաշտին, ապա որոշ ավելի ռացիոնալ փորձագետներ ռիսկեր էին առաջ քաշում տարածաշրջանի անվտանգության տեսանկյունից, սակայն ընդհանուր առմամբ հակահայկական տրամադրություններ էին տիրում: Ակնհայտ երևում էր Թուրքիայի անվերապահ աջակցությունն Ադրբեջանին»,-հավելեց թուրքագետը:
1
2
3
4
5
3
4
5
1
2
3
4
5
