Այս սեզոնի հիմնական վտանգը աղիքային հիվանդությունները, սննդային թունավորումներն են. Արտավազդ Վանյան
Ուշադրության կենտրոնում
Tert.am-ը գրում է.
Այս սեզոնի հիմնական վտանգը աղիքային հիվանդությունները, սննդային թունավորումներն են, որոնք կապված են շոգ եղանակների հետ։ Այս մասին այսօր Tert.am-ի հետ զրույցում ասաց ՀՀ առողջապահության նախարարության Հիվանդությունների վերահսկման և կանխարգելման ազգային կենտրոնի գլխավոր տնօրեն Արտավազ Վանյանը։
Նա կոչ արեց չգնել հատկապես այն սննդամթերքները, որոնց պահման հատուկ պայմանները պահպանված չեն և վաճառվում են այս շոգ եղանակին արևի կիզիչ ճառագայթների տակ, փոշու, տրանսպորտի արտանետումների ներքո, առանց սառնարանային պայմանների։ Նա նշեց, որ այդ սննդամթերքներն են կաթ-կաթնամթերքը, ձուկ-ձկնամթերքը, միս-մսամթերքը, հրուշակեղենը, կրեմային հրուշակեղենը։
Արտավազդ Վանյանն ասաց, որ թեև վերահսկողություն իրականացնում է սննդամթերքի անվտանգության ծառայությունը, սակայն ամենօրյա հսկողությունը պետք է գիտակցի և իրականացնի տվյալ տնտեսվարողը։
«Վերահսկող մարմինը ամենօրյա հսկողություն չի կարող իրականացնել»,-ասաց նա և նշեց, որ դրա համար փորձում են բարձրացնել քաղաքացիների իրազեկվածության աստիճանը։
1
2
3
4
5
1
2
3
5
1
2
3
4
5
