Բրիտանիան Ուկրաինային կմատակարարի 120 հազար ԱԹՍ
ՄիջազգայինՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Միացյալ Թագավորությունը 2026 թվականին Ուկրաինային կմատակարարի 120 հազար անօդաչու թռչող սարք։ Այս մասին ասված է Միացյալ Թագավորության կառավարության տարածած հայտարարության մեջ, հաղորդում է ՏԱՍՍ-ը:
«Նոր փաթեթը՝ իր տեսակի մեջ ամենախոշորը, որը երբևէ մատակարարվել է Մեծ Բրիտանիայի կողմից, կներառի հազարավոր հեռահար հարվածային անօդաչուներ, հետախուզական և դիտարկման դրոններ, լոգիստիկ անօդաչու սարքեր, ինչպես նաև ծովային միջոցներ. դրանք բոլորն արդեն անցել են մարտական փորձարկում Ուկրաինայի առաջնագծում»,- հայտարարության մեջ։
Լոնդոնից պարզաբանել են, որ նոր անօդաչուների մատակարարումներն արդեն սկսվել են ապրիլին։
Մեծ Բրիտանիայի կառավարությունում ընդգծել են, որ թագավորությունում տեղակայված Tekever, Windracers և Malloy Aeronautics ձեռնարկություններում այս սպառազինության արտադրությունը կօգնի ստեղծել նոր աշխատատեղեր։
Ինչպես նշվում է, ԱԹՍ-ների արտադրության ծախսերը ներառված են Ուկրաինային այս տարի տրամադրվելիք 3 միլիարդ ֆունտ ստեռլինգի (4 միլիարդ դոլար) օգնության փաթեթում։
Ավելի վաղ Լոնդոնում ՌԴ դեսպանատունը մատնանշել էր, որ Մեծ Բրիտանիան, բառերով կոչ անելով Ուկրաինայում խաղաղ կարգավորման, երկիրը համալրում է սպառազինությամբ՝ ցանկանալով ամեն կերպ շարունակել մարտական գործողությունները և չմտահոգվելով, որ դրա համար առատորեն վճարելու են ուկրաինացիների կյանքերով։
Հետևեք մեզ՝ այստեղ
1
2
3
4
5
1
2
3
5
1
2
3
4
