Գազի շուկայում արհեստական դեֆիցիտ, բենզինի գնաճ կա՝ արտաքին և ներքին գործոնների ազդեցությամբ
ՀասարակությունՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
«Գազալցակայաններում շատ դեպքերում չափազանցնում են, ինչ է նշանակում հնարավորի է շուտով հեղուկ գազը կտրոնով վաճառվի, ուղղակի արհեստական դեֆիցիտ են ստեղծում, որպեսզի արդարացնեն բարձրացած գները»,- այս մասին «Փաստինֆո»-ի հետ զրույցում ասաց տնտեսագետ Սուրեն Պարսյանը։
Նա, սակայն, չհերքեց, որ այնուամենայնիվ հեղուկ գազի ներկրման խնդիր կա. «Հիմա հեղուկ գազի խնդիր կա, որովհետև Վերին Լարսի անցակետը փակ է, Իրանից էլ չեն կարողանում բերել։ Նախկինում, երբ փակվում էր, Իրանից կարողանում էինք բերել ու ինչ-որ իրավիճակ կարողանում էինք մեղմել։ Հիմա անցակետը փակ է, տեղական ներկրողները, որոնք ունեն կուտակման հնարավորություն, պահեստներ, այդ առիթից օգտվել են, գները բարձրացրել են։
Մրցակցության հանձնաժողովը, որը պետք է վերահսկեր հարցը, ասում է՝ 100 հոգի ներկրող կա, հետևաբար ես անելիք չունեմ, բայց ինքը չի հասկանում, որ, երբ փակ է Վերին Լարսի անցակետը, 100 հոգի չեն կարողանում բերել։ Մի քանի գործարար, ովքեր պահեստներ ունեն, արհեստական դեֆիցիտ են ստեղծում, գները բարձրացնում շուկայում։ Մենք պետք է ուսումնասիրենք ոչ թե ամբողջ տարվա կտրվածքով, այլ այն ժամանակահատվածը, երբ Վերին Լարսի անցակետը փակվեց, այդ մի քանի տնտեսվարողները ինչ վարքագիծ են դրսևորել։ Այս խնդիրը մենք պարբերաբար ունենում ենք, բայց ՀՀ մրցակցային հանձնաժողովը ուղղակի անգործություն է ցուցաբերում։
Ինչ վերաբերում է բենզինի հարցին, այստեղ այլ խնդիր է, ասաց Պարսյանը։ Նախ՝ համաշխարհային շուկայում նավթի գների աճ ունենք, երկրորդը՝ պայմանավորված է ՌԴ-ում ներքին խնդիրներով. մատակարարումների հետ կապված որոշակի խոչընդոտներ են առաջացել, որովհետև ուկրաինական անօդաչուները պարբերաբար ոչնչացնում են ռուսական նավթային ենթակառուցվածքները և պահեստները։ Սա ևս լուրջ խնդիր է, և երրորդ խնդիրը կախված է նաև մատակարարումներից ՌԴ-ից, ինչպես նաև քաղաքական հարաբերությունների դաշտում։ Այսինքն՝ ռուսական կողմը մինչ այժմ Հայաստանին վաճառում էր բենզին, դիզելային վառելիք ներքին գներով։
Հաշվի առնելով, որ Հայաստանը ԵԱՏՄ անդամ է, հնարավոր է նաև, որ վերջին իրադարձություններով պայմանավորված որոշակի տրամադրություններ են փոխվել, եզրափակեց Սուրեն Պարսյանը։
«Փաստինֆո»-ն նաև հետաքրքրվել էր Էկոնոմիկայի նախարարությունից, թե ինչով է պայմանավորված հեղուկ գազի թանկացումը։ Էկոնոմիկայի նախարարության մամուլի խոսնակն ասաց, որ նախարարությունը չունի գների վրա վերահսկողություն. «Գների վերահսկողությունը նախարարության տիրույթում չէ»։
Հետևեք մեզ՝ այստեղ
1
2
3
4
5
1
3
4
5
1
2
3
4
5
