Պաշտոնական Ստեփանակերտը պետք է անմիջականորեն մասնակցի բանակցություններին
Արման Մելիքյանը ֆեյսբուքյան իր էջում գրում է .
Արցախի իրավաքաղաքական սուբյեկտության չեզոքացման և բանակցային գործընթացից դուրսմղման հետևանքները չի կարելի վերացնել ընդամենը հայտարարելով այն մասին, որ պաշտոնական Ստեփանակերտը պետք է անմիջականորեն մասնակցի բանակցություններին: Այս նպատակին հասնելու համար ուղղորդված, հետևողական աշխատանք պետք է իրականացվի, որի հիմքում պատշաճ մասնագիտական մակարդակ ունեցող ռազմավարական ծրագիր կլինի դրված:
Այս պահի դրությամբ մեր պաշտոնատարները զրկված են քաղաքական և դիվանագիտական գործունեության մեջ կիրառելի տարրական ուղեցույցներից, իսկ մեր այսօրվա իրականության ծայրահեղ սուր մարտահրավերներին համարժեքորեն արձագանքելու համար անհրաժեշտ գործիքակազմի առկայության մասին խոսելն անգամ ավելորդ է: Անկեղծ ասեմ՝ ստեղծված իրավիճակից դուրս գալու համար մեզ բաց թողնված ժամանակը սրընթաց կերպով սպառվում է և եթե իշխանությունները շարունակեն գործել այնպես, ինչպես դա արել են մինչև ապրիլի 2-ը, ապա մեր երկրի ապագան լրջորեն, իսկ գուցեև անդառնալիորեն վտանգված կլինի:
1
2
3
4
5
1
2
3
4
1
2
3
5
