Արտահանումը Ֆրանսիա վերջին 8 տարիների ընթացքում անկում է ապրել 20%-ով. Նարեկ Կարապետյան
Քաղաքականություն«Սա Հայաստանում արդյունաբերականացման լավ օրինակ է։ Այն, ինչ արտադրվում է այստեղ, առաջ մեծ մասամբ ներմուծվում էր Թուրքիայից։ Այսօր ֆաբրիկայի արտադրանքը փակել է Հայաստանի պահանջարկի 50-60 տոկոսը»,-«ԱՆԻԹԵՔՍ» տեքստիլի ֆաբրիկայում լրագրողների հետ հանդիպմանը հայտարարեց «Ուժեղ Հայաստան» կուսակցության խորհրդի անդամ Նարեկ Կարապետյանը։
Նա նշեց, որ սա ցույց է տալիս, իրենք ունեն փորձ Հայաստանում կառուցելու հարյուրավոր արտադրություններ։
««Ուժեղ Հայաստան»-ը, Սամվել Կարապետյանը ստեղծելու են աղքատության հաղթահարման հիմնադրամ, որտեղ ներդրում են կատարելու պետությունը, մեր գործընկերները աշխարհի տարբեր ծայրերից։ Մենք այդ հիմնադրամից ամեն ամիս 150 հազար դրամ նպաստ կտրամադրենք 5 հոգանոց ծայրահեղ աղքատ ընտանիքն, որպեսզի նա դուրս գա աղքատության թակարդից»,-նշեց Կարապետյանը։
Անդրադառնալով լրագրողների հնչեցրած հարցերին՝ Ն. Կարապետյանն ընդգծեց, ութ տարվա ընթացքում Եվրոպայի հետ չզարգացնելով տնտեսական հարաբերությունները, ունենալով եվրոպական շուկայի մուտքի հնարավորություն, ոչինչ չի արվել, որ ռուսական շուկայի արտահանման ծավալների չափ արտահանում լինի նաև Եվրոպա։
«Մի օրինակ, բերեմ, արտահանումը Ֆրանսիա վերջին 8 տարիների ընթացքում անկում է ապրել 20 տոկոսով; Հայաստանից 400 անգամ ավելի շատ ապրանք է գնում Ռուսաստան, քան Ֆրանսիա։ Այս իշխանությունները չեն կարողանում աջակցել արտադրություններին, կազմակերպել արտահանում։ Մեր երկիրը գնորդ չպետք է լինի, վաճառող պետք է լինի։ Մեր երկիրն այսօր գնորդ է»,-ասաց Կարապետյանը։
Ինչ վերաբերում է Հայաստան-Եվրոպա քաղաքական հարաբերություններին, ապա Նարեկ Կարպետյանն ընդգծեց, կանանց կալանավորելը, անմեղ մարդկանց ձերբակալելը, քահանաներին ձերբակալելը մի քայլ մոտեցրե՞լ է Հայաստանին եվրոպական չափանիշներին։
«Հայաստանի այսօրվա իշխանությունները խոսում են սիրուն, գործում են գեշ»,-ասաց նա։
Մանրամասները՝ տեսանյութում։
1
2
3
4
5
2
3
4
5
1
2
3
4
5
