21 տարեկան կինը երեխա է ունեցել 14-ամյա ազգականից

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Նոր Զելանդիայում մի կին կանգնել է դատարանի առաջ՝ տարիներ առաջ իր անչափահաս զարմիկի հետ սեռական հարաբերություն ունենալու և նրանից երեխա ունենալու համար։ Այս մասին հայտնում է NZ Herald-ը։

Գործի նյութերի համաձայն՝ կնոջ և նրա ազգականի միջև հարաբերությունները շարունակվել են 2004-ից մինչև 2008 թվականը՝ մինչև տղայի 18 տարին լրանալը։ Առաջին սեռական կապը տեղի է ունեցել, երբ նա եղել է 14 տարեկան, իսկ կինը՝ 21։ 2005 թվականին նրանցից երեխա է ծնվել։

Քրեական գործը հարուցվել է միայն տարիներ անց՝ 2026 թվականին, երբ տուժողը, որն այժմ 36 տարեկան է, դիմել է ոստիկանություն և հայտնել տեղի ունեցածի մասին։

Դատարանը կնոջ գործողությունները որակել է որպես անչափահասի նկատմամբ սեռական բնույթի անօրինական գործողություններ։ Մեղադրյալը ճանաչվել է մեղավոր և դատապարտվել 10 ամսվա տնային կալանքի։

Դատավճռում նշվել է, որ տուժողը իր տարիքի պատճառով «չուներ բավարար վերահսկողություն իրավիճակի նկատմամբ», ինչը կարևոր հանգամանք է եղել գործի գնահատման ընթացքում։ Դատարանը նաև սահմանել է անվան հրապարակման ցմահ արգելք՝ տուժողի ինքնությունը պաշտպանելու նպատակով։

Հայտնի է նաև, որ այդ հարաբերություններից ծնված երեխան դատավարության պահին արդեն հասուն տարիքի էր։

Հետևեք մեզ՝ այստեղ