Ցավոք, Ջերմուկի տարածքից փրկված քոթոթներից մեկն անկել է

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին                     

Ցավով հայտնում ենք, որ Ջերմուկի տարածքից փրկված քոթոթներից մեկն անկել է։ Մյուս քոթոթն այս պահին գտնվում է մեր մասնագետների հսկողության տակ. նրա վիճակը փոփոխական է, և յուրաքանչյուր ժամը կարող է վճռորոշ լինել։ Այս մասին տեղեկացնում է Վայրի բնության և մշակութային արժեքների պահպանման հիմնադրամի ֆեյսբուքյան էջը։

«Կարևոր է հասկանալ վայրի բնության վերականգնողական աշխատանքի մասնագիտական և կրթական կողմը, որը հաճախ մնում է կադրից դուրս.

- ⁠Մեզ համար անհայտ է, թե քոթոթները որքան ժամանակ են մնացել առանց մոր, առանց սննդի, ջրի և ինչպիսի միջավայրում։ Վայրի բնության մեջ քոթոթի համար նույնիսկ մի քանի ժամն առանց ջերմության ու կաթի կարող է օրգանիզմում անդառնալի գործընթացներ սկսել։

- Երբ կենդանին երկար ժամանակ սնունդ չի ստանում, նրա ներքին օրգանները սկսում են աշխատել սեփական ռեսուրսների սպառման հաշվին։ Իրենց օրգանիզմին անհրաժեշտ ողջ հեղուկը նրանք ստանում են բացառապես մայրական կաթի միջոցով։ Մորից անջատվելը նշանակում է ոչ միայն սով, այլև օրգանիզմի կտրուկ ջրազրկում, ինչը կրիտիկական է նման վաղ տարիքում։

- Որքան էլ ծանր է սա ընդունելը, վայրի բնության մեջ նման երևույթները բնական են։ Ոչ բոլոր առանձնյակներն են ունենում բավարար տոկունություն՝ հաղթահարելու սովն ու սթրեսը։

Այս պատմությունը ևս մեկ անգամ հիշեցնում է, որ ժամանակը կյանք է։ Եթե տեսնում եք միայնակ մնացած կամ թույլ քոթոթների.

Անմիջապես ահազանգեք մասնագետներին. որքան շուտ կենդանին ստանա մասնագիտացված օգնություն, այնքան մեծանում է նրա ապրելու հավանականությունը։ Մի՛ փորձեք մոտենալ կամ ինքնուրույն կերակրել»,-ասվում է հայտարարության մեջ։

Հետևեք մեզ՝ այստեղ